Баррасии ҳамкории Тоҷикистон ва дафтари ҳамоҳангии умури башардӯстонаи СММ дар Женева
Май 15, 2024 19:45 Asia/Dushanbe
Ҳамкории байни Тоҷикистон ва дафтари ҳамоҳангии умури башардӯстонаи СММ дар Женева мавриди баррасӣ қарор гирифт.
Ба гузориши радиои тоҷикии Садои Хуросон ба нақл аз Ховар, Шараф Шерализода, сафири Тоҷикистон дар конфедератсияи Швейтсария, намояндаи доими Тоҷикистон дар СММ ва дигар созмонҳои байналмилалӣ дар Женева бо Абдулҳақ Амирӣ, раиси идораи Аврупо ва Осиёи марказии дафтари ҳамоҳангии умури башардӯстонаи СММ дидору гуфтугӯ кард.
Дар ин дидор тарафҳо дар мавриди масоили муҳимми ҳамкории байни Тоҷикистон ва дафтари ҳамоҳангии умури башардӯстонаи СММ гуфтугӯ карданд.
