Аксҳои аз Худоӣ Шариф, донишманди фарҳехтаи тоҷик

Худоӣ Шариф - донишманди фарҳехтаву муҳаққиқи адабиёти форсӣ - тоҷикӣ дар синни 80 солагӣ дори фониро видоъ гуфт.

Таълифоти арзишманди вай аз қабили “Балоғату суханварӣ”, “Каломи бадеъ”, “Савти аҷам”, “Рози ҷаҳон”, “Шоиру шеър”, “Озурдагону умедворон”, “Назарияи наср”, “Шоҳнома ва шеъри замони Фирдавсӣ” дар Тоҷикистон, Эрон, Афғонистон ва дигар кишварҳо баҳои баланд гирифта, теъдоде аз китобҳои вай дар хориҷ аз кишвар ба чоп расидаву натиҷаи заҳматҳои устод бо ҷавоизи муътабари илмиву фарҳангӣ қадрдонӣ шудааст.

Аз ҷумла дар соли 2014 Ройзании фарҳангии Эрон дар Тоҷикистон ба устод Шариф Ҷоизаи “Саъдӣ” эҳдо кард ва дар соли 2016 низ вай барои китоби “Шоҳнома ва шеъри замони Фирдавсӣ” муфтахар ба дарёфти Ҷоизаи фарҳангиву ҳунарии “Фирдавсӣ”-и ҷумҳурии исломӣ шуд.