Боздошти ду корманди Вазорати дохилаи Тоҷикистон ба иттиҳоми ришваситонӣ
Ноябр 15, 2017 13:48 Asia/Dushanbe
Ожонси мубориза бо фасоди молии Тоҷикистон ду тан аз бозрасони Вазорати умури дохила дар ноҳияи Ҳамадониро боздошт кард.
Дафтари матбуоти ин ожонс иттиҳоми ин ду нафарро гирифтани ришва эълом кардааст.
Гуфта шудааст, ин ду бозрас ба номҳои Абдусамад Розиқов ва Шерхон Маҷидов чанде қабл фардеро ба иттиҳоми иртикоби дуздӣ боздошт ва бо ваъдаи хатми парвандаи вай, аз ӯ талаби ришва карда буданд.
Маблағи ришва ҳашт ҳазор сомонӣ, ҳудуди 1000 доллар муқаррар шуда буд, ки муттаҳамон ҳангоми дарёфти панҷ ҳазор сомонӣ дастгир шуданд.
Нисбати ин ду корманди боздоштшудаи Вазорати умури дохилии Тоҷикистон парвандаи ҷиноӣ ташкил шудааст.