Таҷлил аз навадумин соли интишори маҷаллаи “Садои шарқ” дар Тоҷикистон

Аҳолии адаби Тоҷикистон навадумини соли интишори маҷаллаи Иттиҳоди нависандагон “Садои шарқ”-ро гиромӣ доштанд.

Ба нақл аз Форс, ба ин муносибат дар Иттиҳоди нависандагони Тоҷикистон нишасте бо ҳузури шахсиятҳои адабӣ, фарҳангӣ ва илмии кишвар баргузор шуд .

Раиси Иттиҳоди нависандагони Тоҷикистон дар ибтидои нишаст ҷойгоҳи маҷаллаи “Садои шарқ” дар кумак ба тавсеаи адабиёти муосири тоҷикро муҳими хонд ва нақши онро дар арсаҳои иҷтимоӣ ва сиёсӣ арзишманд тавсиф кард .

Низом Қосим гуфт: Саҳми устод Садриддин Айнӣ, Абулқосими Лоҳутӣ, Мирзо Турсунзода, Сотим Улуғзода, Ҷалол Икромӣ ва дигар шахсиятҳои бузурги адабии тоҷик дар поягузорӣ, таҳкиму равнақи маданият, адабиёт ва забон бисёр арзишманд аст.

Муҳиддин Панҷшанбезода, мушовири ёрдамчии раисҷумҳури Тоҷикистон низ “Садои шарқ”-ро бонуфузтарин маҷаллаи илмӣ ва адабии кишвар дар як қарни ахир унвон кард .

Нахустин шумораи маҷаллаи “Садои шарқ”, 90 сол қабл бо номи “Дониш-бениш” дар  Самарқанд мунташир шуд ва аз шумораи дуввум ба баъд то соли 1964 номҳое ҳамчун “Раҳбари дониш”, “Барои адабиёти сотсиалистӣ” ва “Шарқи сурх” дошт ва аз ин сол ба баъд таҳти унвон “Садои шарқ” мунташир шуд .

Ин маҷалла, ки аз фурсатҳои бисёр маъдуди ошноии тоҷикҳо бо осори адибони эронӣ дар даврони Шӯравӣ буд, токунун муҳимтарин осори адибону муҳаққиқони ин кишварро мунташир кардааст .