Бозтоби ҳамлаи террористӣ ба посгоҳи марзӣ дар Тоҷикистон
Хабари ҳамлаи хунин ба як посгоҳи марзӣ дар Тоҷикистон, ки дар наздикии марзи ин кишвар бо Узбакистон қарор дошт, сархати бисёре аз расонаҳои маъруфи ҷаҳон қарор гирифт ва боиси ба вуҷуд омадани назарот ва баҳсҳои гуногун перомуни ин мавзӯъ шуд. Бархе омили ин ҳамларо гурӯҳи террористии ДИИШ хонданд ва бархе дигар бо ин назар мувофиқ нестанд ва паёмадҳои ин ҳамларо густурда арзёбӣ карданд.
Ба гузориши ИРНА, рӯзномаи Ню-Йорк Таймз дар ин бора навишт: “Ин ҳамла ду ҳафта пас аз эъломи хабари кушта шудани Абубакр Ал-Бағдодӣ, раҳбари ДИИШ рух дод ва дипломатҳои ғарбӣ ҳушдор дода буданд, ки пайравони ин гурӯҳи террористӣ, интиқом хоҳанд гирифт.
Аммо шабакаи хабарии ББС дар ин бора навишт:“ДИИШ, ки дар аксари мавоқеъ билофосила масъулияти тамоми ҳамалоти террористии худро бар ӯҳда мегиранд, дар ҳамлаи Тоҷикистон чунин коре накарданд.
Дар ҳамин ҳол мақомоти Афғонистон дар гуфтугӯ бо расонаҳо таъйид кардаанд, ки чанде пеш шӯришиёни ДИИШ дар минтақае дар вилояти Қундӯз дида шудаанд. Аммо шабакаи хабарии Алҷазира бо такя бар манобеи худ мегӯяд, ин қаламрав таҳти назорати гурӯҳи террористии Толибон аст, ки миёнаи хубе бо ДИИШ надоранд.
Ба гузориши як расонаи олмонӣ, Тоҷикистон ҳамеша бо таҳдиди террористӣ аз ҷониби гурӯҳҳои террористӣ аз Афғонистон рӯбарӯ будааст, дар ҳоле, ки таҳлилгари рус Александр Князев мегӯяд, ки ин манотиқро ба хубӣ мешиносад ва гумон намекунад, ки омилони ин ҳамла аз марз гузашта бошанд. Дар воқеъ ба ақидаи ӯ, ин ҳамла бештар шабеҳ ба як намоиш аст.
Ба навиштаи нашрияи Дипломат, ин ҳамла саволотеро матраҳ месозад, ки ин террористҳо чигуна аслиҳа ба даст оварданд ва агар аз Афғонистон омадаанд, чаро барои ба даст овардан силоҳ ба посгоҳи марзӣ ҳамла карданд дар ҳоле, ки силоҳ дар Афғонистон фаровон аст? Ва ин ки чигуна ин афрод чаҳор мошин бо шумораҳои Тоҷикистон ба даст оварда то онҷо бидуни шиносоӣ шудан, ронандагӣ кардаанд ва мақсудашон аз ин ҳамла чӣ будааст?
Дар ин рӯйдод як гурӯҳи мусаллаҳи 20 нафараи ношинос ба посгоҳи марзии шумораи 4 Ишқободи воҳиди марзбонии Султонободи Тоҷикистон ҳамла ва 5 қабза силоҳи калашниковро тасарруф кард.
Кумитаи Давлатии Амнияти Миллии Тоҷикистон дар баёнияе эълом кард, ки дар ҷараёни бозпурсии муҳоҷимини боздошт шуда маълум шуд, ки гурӯҳи мусаллаҳи террористӣ, ки ба посгоҳи марзии ин кишвар ҳамла кард, дар таърихи 3 ноябри сол ҷорӣ аз минтақаи Қалъаи Золи Афғонистон бо дастури вижа ва бо истифода аз торикии шаб аз марзи давлатӣ ба таври ғайри қонунӣ убур карда ва ба қаламрави ноҳияи Қубодиёни Тоҷикистон ворид шуданд.
Бархе аз расонаҳо пешбинӣ мекунанд, ки ҳамлаи ахир метавонад паёмадҳои бисёр ва васеи дохилӣ, минтақаӣ ва ҳатто байналмилалӣ дошта бошад. Тоҷикистон ду интихоботи бузурги парлумонӣ ва раёсатҷумҳурӣ пеши рӯ дорад ва эҳтимолан худро барои интиқоли қудрат омода мекунад. Чунин ҳамалоте тарафдорони ҳукумати феълиро муттаҳид ва мухолифони онро дар ҳолати дифоӣ қарор медиҳад. Аз тарафи дигар Тоҷикистон ҳамеша аз зарурати таҳкими марзҳояш бо Афғонистон изҳори нигаронӣ кардааст ва ба кумакҳои байналмилалӣ эҳтиёҷ дорад.
Торномаи Russia Today ба нақл аз намояндаи аршади вазорати умури хориҷаи Русия навишт: “ин таҳдиде ҷиддӣ барои Русия ва пеш аз ҳама барои муттаҳидони Осиёи Марказӣ Русия аст”. Вай бо ишора ба эҷоди амнияти ҷамъӣ гуфт, набояд даст рӯи даст гузашт ва тамошо кард, балкӣ бояд коре кард.
Дар ҳоли ҳозир ҳувияти омилони ҳамла ба посгоҳи марзии Тоҷикистон мушаххас шудааст. Манобеи низомии Тоҷикистон ин афродро аз аҳолии вилояти Суғд медонад, ки чаҳор нафари онҳо дар ҳоли ҳозир дар боздошт басар мебаранд ва як тан аз онҳо низ ҳангоми заду хӯрд кушта шуд. Бо ин ҳол манобеи мустақил сиҳати ин хабарро таъйид накардаанд. Дар натиҷаи амалиёти ниҳодҳои амниятии Тоҷикистон 15 нафар аз аъзои ин гурӯҳ аз кушта ва панҷ нафари дигар низ дастгир шуданд.
Гузоришҳо ҳокӣ аз ин аст, ки се зан низ дар миёни ин 5 нафари боздошт шуда аз ин террористҳо ҳастанд. Сини аксари боздошт шудаҳо ва фарди кушта шуда байни 20 то 25 сол аст. Дар бораи шахсияти 15 тани дигар, ки дар ин заду хӯрдҳо кушта шуданд, иттилооте дар даст нест.
Бозтоби ҳамлаи террористӣ ба посгоҳи марзӣ дар Тоҷикистон
Хабари ҳамлаи хунин ба як посгоҳи марзӣ дар Тоҷикистон, ки дар наздикии марзи ин кишвар бо Узбакистон қарор дошт, сархати бисёре аз расонаҳои маъруфи ҷаҳон қарор гирифт ва боиси ба вуҷуд омадани назарот ва баҳсҳои гуногун перомуни ин мавзӯъ шуд. Бархе омили ин ҳамларо гурӯҳи террористии ДИИШ хонданд ва бархе дигар бо ин назар мувофиқ нестанд ва паёмадҳои ин ҳамларо густурда арзёбӣ карданд.
Ба гузориши ИРНА, рӯзномаи Ню-Йорк Таймз дар ин бора навишт: “Ин ҳамла ду ҳафта пас аз эъломи хабари кушта шудани Абубакр Бағдодӣ, раҳбари ДИИШ рух дод ва дипломатҳои ғарбӣ ҳушдор дода буданд, ки пайравони ин гурӯҳи террористӣ, интиқом хоҳанд гирифт.
Аммо шабакаи хабарии ББС дар ин бора навишт:“ДИИШ, ки дар аксари мавоқеъ билофосила масъулияти тамоми ҳамалоти террористии худро бар ӯҳда мегиранд, дар ҳамлаи Тоҷикистон чунин коре накарданд.
Дар ҳамин ҳол мақомоти Афғонистон дар гуфтугӯ бо расонаҳо таъйид кардаанд, ки чанде пеш шӯришёни ДИИШ дар минтақае дар вилояти Қундӯз дида шудаанд. Аммо шабакаи хабарии Алҷазира бо такя бар манобеи худ мегӯяд, ин қаламрав таҳти назорати гурӯҳи террористии Толибон аст, ки миёнаи хубе бо ДИИШ надоранд.
Ба гузориши як расонаи олмонӣ, Тоҷикистон ҳамеша бо таҳдиди террористӣ аз ҷониби гурӯҳҳои террористӣ аз Афғонистон рӯбарӯ будааст, дар ҳоле, ки таҳлилгари рус Александр Князев мегӯяд, ки ин манотиқро ба хубӣ мешиносад ва гумон намекунад, ки омилони ин ҳамла аз марз гузашта бошанд. Дар воқеъ ба ақидаи ӯ, ин ҳамла бештар шабеҳ ба як намоиш аст.
Ба навиштаи нашрияи Дипломат, ин ҳамла саволотеро матраҳ месозад, ки ин террористҳо чигуна аслиҳа ба даст оварданд ва агар аз Афғонистон омадаанд, чаро барои ба даст овардан силоҳ ба посгоҳи марзӣ ҳамла карданд дар ҳоле, ки силоҳ дар Афғонистон фаровон аст? Ва ин ки чигуна ин афрод чаҳор мошин бо шумораҳои Тоҷикистон ба даст оварда то онҷо бидуни шиносоӣ шудан, ронандагӣ кардаанд ва мақсудашон аз ин ҳамла чӣ будааст?
Дар ин рӯйдод як гурӯҳи мусаллаҳи 20 нафараи ношинос ба посгоҳи марзии шумораи 4 Ишқободи воҳиди марзбонии Султонободи Тоҷикистон ҳамла ва 5 қабза силоҳи калашниковро тасарруф кард.
Кумитаи Давлатии Амнияти Миллии Тоҷикистон дар баёнияе эълом кард, ки дар ҷараёни бозпурсии муҳоҷимини боздошт шуда маълум шуд, ки гурӯҳи мусаллаҳи террористӣ, ки ба посгоҳи марзии ин кишвар ҳамла кард, дар таърихи 3 ноябри сол ҷорӣ аз минтақаи Қалъаи Золи Афғонистон бо дастури вижа ва бо истифода аз торикии шаб аз марзи давлатӣ ба таври ғайри қонунӣ убур карда ва ба қаламрави ноҳияи Қубодиёни Тоҷикистон ворид шуданд.
Бархе аз расонаҳо пешбинӣ мекунанд, ки ҳамлаи ахир метавонад паёмадҳои бисёр ва васеи дохилӣ, минтақаӣ ва ҳатто байналмилалӣ дошта бошад. Тоҷикистон ду интихоботи бузурги парлумонӣ ва раёсатҷумҳурӣ пеши рӯ дорад ва эҳтимолан худро барои интиқоли қудрат омода мекунад. Чунин ҳамалоте тарафдорони ҳукумати феълиро муттаҳид ва мухолифони онро дар ҳолати дифоӣ қарор медиҳад. Аз тарафи дигар Тоҷикистон ҳамеша аз зарурати таҳкими марзҳояш бо Афғонистон изҳори нигаронӣ кардааст ва ба кумакҳои байналмилалӣ эҳтиёҷ дорад.
Торномаи Russia Today ба нақл аз намояндаи аршади вазорати умури хориҷаи Русия навишт: “ин таҳдиде ҷиддӣ барои Русия ва пеш аз ҳама барои муттаҳидони Осиёи Марказӣ Русия аст”. Вай бо ишора ба эҷоди амнияти ҷамъӣ гуфт, набояд даст рӯи даст гузашт ва тамошо кард, балкӣ бояд коре кард.
Дар ҳоли ҳозир ҳувияти омилони ҳамла ба посгоҳи марзии Тоҷикистон мушаххас шудааст. Манобеи низомии Тоҷикистон ин афродро аз аҳолии вилояти Суғд медонад, ки чаҳор нафари онҳо дар ҳоли ҳозир дар боздошт басар мебаранд ва як тан аз онҳо низ ҳангоми заду хӯрд кушта шуд. Бо ин ҳол манобеи мустақил сиҳати ин хабарро таъйид накардаанд. Дар натиҷаи амалиёти ниҳодҳои амниятии Тоҷикистон 15 нафар аз аъзои ин гурӯҳ аз кушта ва панҷ нафари дигар низ дастгир шуданд.
Гузоришҳо ҳокӣ аз ин аст, ки се зан низ дар миёни ин 5 нафари боздошт шуда аз ин террористҳо ҳастанд. Сини аксари боздошт шудаҳо ва фарди кушта шуда байни 20 то 25 сол аст. Дар бораи шахсияти 15 тани дигар, ки дар ин заду хӯрдҳо кушта шуданд, иттилооте дар даст нест.