Паёми табрикии Эмомалӣ Раҳмон ба муносибати солрӯзи пирӯзии инқилоби исломии Эрон
Эмоммалӣ Раҳмон, раиси Ҷумҳурии Тоҷикистон бо ирсоли паёме ба доктор Ҳасани Рӯҳонӣ, раисҷумҳури Эрон, солрӯзи пирӯзии инқилоби исломиро ба ҳамтои худ табрик гуфт.
Ба нақл аз сомонаи сафорати Эрон дар Тоҷикистон, дар паёми табрики Эмомалӣ Раҳмон омадааст:
Доктор Ҳасани Рӯҳонӣ, раиси Ҷумҳурии исломии Эрон! Бо камоли эҳтиром ба ҷаноби олӣ, давлат ва мардум, солгарди ҷашни миллии кишваратонро табрику таҳният мегӯям. Тоҷикистон алоқаманд ба густариши ҳар чи бештари равобити дӯстона ва таҳким ва тавсиаи беш аз пеши ҳамкориҳои судманд бо Эрон дар ҷанбаҳои гуногун ва мавриди таваҷҷӯҳи тарафайн мебошад.
Раиси Ҷумҳурии Тоҷикистон ҳамчунин изҳори итминон кардааст, бо саъй ва эҳтимоми муштарак, равобит ва муносиботи Тоҷикистон ва Эрон дар оянда низ рушд ёбад ва дар фазои созгорӣ ва ҳусни тафоҳум, ҳусни ният ва эътимод, дар хидмати манофеи мардумони ду кишвар бошад.
Эмомалӣ Раҳмон дар поёни паёми табрики худ ба муносибати 41-умин солгарди ипирӯзии инқилоби исломии Эрон, хитоб ба Ҳасани Рӯҳонӣ гуфтааст:
Барои шумо олиҷаноб, саломатии комил, саодат ва комёбиҳои навин ва барои мардуми бародари Эрон сулҳу субот, пешрафт ва беҳрӯзӣ орзумандам.