Ҳиссаи ҳар як тоҷик дар истеҳсоли маҳсулоти саноатӣ чӣ қадар аст?
Истеҳсоли маҳсулоти саноатӣ ба ҳар сари аҳолии Тоҷикистон дар ҳафт моҳи охир ба 1,697 сомонӣ ( муодили 164 доллар) расидааст.
Ба гузориши радиои тоҷикии Садоии Хуросон ба нақл аз сомонаи Авесто, бар асоси эъломи Созмони давлатии омори Тоҷикистон , ҷамъияти ин кишвари дар ҳафт моҳи гузашта ба 9 миллиону 320 ҳазор нафар расида, ки бар ин асос саронаи ҳар шаҳрванди тоҷикистонӣ ( саҳми ҳар шаҳрванд аз истеҳсоли маҳсулоти саноатӣ ) ҳазору 697 сомонӣ аст .
Дар ин муддат арзиши истеҳсоли маҳсулоти саноатии Тоҷикистон беш аз 15 миллиарду 536 миллион сомонӣ ( як миллиарду 700 миллион доллар ) эълом шуда аст .
Гуфта мешавад, алюминий, семент, риштаҳои пахта, маъданҳо ва металлҳои ранга муҳимтарин содироти саноатии Тоҷикистон берун аз оғози соли равон мебошанд.
Ба далели набуди имкони фароварии бештари ин маҳсулот дар дохили Тоҷикистон , ин ақлом ба шакли хом ва нимахом ба хориҷ содир мешавад .
Дар Тоҷикистон бо сабаби набудани корхонаҳои коркард, танҳо 20% нахҳои пахтаи дар дохили кишвар истеҳсолшуда ба маҳсулот табдил дода мешаванд ва боқимонда ба хориҷа содир карда мешаванд.
