150 муҳоҷири тоҷикистонӣ аз Қазоқистон бозгаштанд
150 муҳоҷири кории бандмондаи тоҷик дар Қазоқистон бо талоши муштараки Созмони байналмилалии муҳоҷират ва ниҳодҳои давлатӣ ба кишварашон бозгардонда шуданд.
Ба гузориши радиои тоҷикии Садои Хуросон, ба нақл аз хабаргузории Форс , намояндаи Созмони байналмилалии муҳоҷират дар Осиёи марказӣ дар баёнияе эълом кард: Муҳоҷирони кории бандмонда дар гузаргоҳи марзии «Жибек жолӣ »-и Қазоқистон , аз тариқи Узбакистон ба вилояти Суғди Тоҷикистон мунтақил шуданд .
Бар асоси баёнияи ин созмон , дар муқоиса бо ҷамъияти маҳаллӣ дар кишварҳои мақсад , муҳоҷирон аз ҳимояти камтаре бархурдор ҳастанд ва ба далели осебпазирӣ дар маърази бештари рафтори бераҳмона , истисмору қочоқи инсон қарор доранд .
Дар ин баёния таъкид шуда аст : Созмони байналмилалии муҳоҷират қасд дорад, то барномаи бозгашти довталабонаи ниёзмандонро идома диҳад ва мардумро аз фишори иҷтимоӣ , иқтисодӣ ва қонунӣ, ки дар натиҷаи бемории ҳамагири корона пеш омада аст, хориҷ кунад .
Бештар бихонед:
- Бозгашти 164 шаҳрванди Тоҷикистон аз Қазоқистон
- Коҳиши даромади ирсолии коргарони муҳоҷири тоҷик аз Русия
- Бозгашти 200 шаҳрванди Тоҷикистон аз марзи Қазоқистону Узбакистон ба кишварашон