Ҷойгоҳи Тоҷикистон дар охирин раддабандии ҷаҳонии фасоди молӣ

Рутбаи Тоҷикистон аз нигоҳи вуҷуди ришвахорӣ дар охирин раддабандии ҷаҳонӣ дар соли 2020 дар муқоиса бо соли 2019 бетағйир боқӣ монд.

Ба гузориши радиои тоҷикии Садои Хуросон ба нақл аз сомонаи Тоҷ Вик, дар гузориши ҷадиди Созмони шафофияти байналмилалӣ ( Transparency International ) дар бораи радабандии кишварҳо аз нигоҳи фасоди молӣ ва ришвахорӣ дар соли 2020, Тоҷикистон аз миёни 180 кишвари ҷаҳон дар радифи 149 қарор гирифта, ки ҷойгоҳаш нисбат ба соли 2019 тағйир накардааст.

Аз миёни кишварҳои Осиёи Марказӣ ҷумҳурии Туркманистон фасодзадатарин ва Қазоқистон камфасодтарин кишвар муаррифӣ шудаанд.

Узбакистон бо як пилла беҳбуди ҷойгоҳи хеш дар муқоиса бо соли 2019 дар радаи 146 ҷаҳонӣ қарор гирифтааст.

• Таъкиди раиси ҷумҳури Узбакистон бар коҳиши иқтисоди соя ва ҷилавгирӣ аз фасод 

  Аз дидгоҳи коршиносон решаи фасоди молӣ ва ришвахорӣ дар вазоратхонаҳо ва созмонҳои давлатӣ, ниҳодҳои қазоӣ, интизомӣ ва амниятӣ ва бахшҳои омӯзишу парвариш, кишоварзӣ, иқтисод ва тиҷорати Тоҷикистон, маошу дастмуздҳо поин мебошад.

Инчунин коршиносон мегӯянд вуҷуди монеъҳои идорӣ, фасоди молӣ ва ришвахорӣ, таҳқиқу тафаҳҳуси зиёд ва низоми молиётии ғайришаффоф аз мушкилоти сармоягузории хориҷӣ дар Тоҷикистон ба ҳисоб меояд.

Бештар бихонед:

• Фармони Эмомалӣ Раҳмон барои тағири мудирияти Ожонси мубориза бо фасод дар ҳар се сол

• Мавонеи идорӣ, фасоди молӣ ва низоми молиётии ғайришаффоф, мушкили сармоягузорӣ дар Тоҷикистон

• Муаррифии фасодзадатарин идороти Тоҷикистон дар нимаи нахусти имсол