Хисорати 174 миллиондолларии корона ба гардишгарии Тоҷикистон
-
Кумитаи давлатии рушди сайёҳии Тоҷикистон, эпидемияи корона ба бахши сайёҳӣ зарари калон расонидааст
Раиси Комитети рушди сайёҳии Тоҷикистон аз хисорати беш аз 174 миллион долларӣ дар бахши сайёҳии кишвар дар соли 2020 бар асари ҳамагирии корона хабар дод.
Ба гузориши радиои тоҷикии Садои Хуросон ба нақл аз хабаргузории Форс дар Душанбе, Тоҷиддин Ҷуразода раиси Комитети давлатии рушди сайёҳии Тоҷикистон дар нишасти матбуотӣ дар Душанбе ҷузиёти ин хисоратро шарҳ дод.
Ҷуразода гуфт: «Дар солҳои гузашта даромади бахши сайёҳӣ 230 - 205 миллион доллар дар сол ё 2, 5 дарсад аз тавлиди нохолиси дохилиро ташкил медод, аммо дар соли 2020 милодӣ ин шохис ба як дарсад аз тавлиди нохолиси дохилӣ коҳиш ёфта ва 72, 6 миллион долларро ташкил додааст. »
Вай афзуд: "Дар натиҷаи пандемия, даромади ширкатҳои сайёҳӣ, меҳмонхонаҳо, пансионатҳо, тарабхонаҳо ва муассисаҳои хӯроки умумӣ, инчунин аҳолӣ, ки ба сайёҳон хидмат мерасонанд, хеле коҳиш ёфтааст. "
Ҷуразода ҳамчунин гуфт, ки соли гузашта беш аз 410 ҳазор шаҳрванди хориҷӣ бо аҳдофи мухталиф ворид Тоҷикистон шуданд, ки 909 ҳазор ва 100 нафар ё 69 дарсад камтар аз соли 2019 милодӣ будааст.
Ба гуфтаи раиси Комитети давлатии рушди сайёҳии Тоҷикистон дар қаламрави кишвар 224 ширкати гардишгарӣ фаъолият мекунанд ва ҳеч як аз онҳо дар соли 2020 бо вуҷуди давраи душвори пандемия ва коҳиш даромад, фаъолияти худро қатъ накардааст.
Бештар бихонед:
