Оғози эмкунии корона дар Тоҷикистон
-
Ҷамолиддин Абдуллоҳзода-вазири тандурустии Тоҷикистон аз нахустин касоне буд,ки эм(ваксина) карда шуд
Аз субҳи рӯзи сешанбе 23 март раванди эмкунӣ(ваксинасия)и зидди вируси корона дар Тоҷикистон оғоз шудааст .
Ба гузориши радиои тоҷикии Садои Хуросон ба нақл аз дафтари матбуоти Вазорати тандурустӣ ва ҳифзи иҷтимоии аҳолии Тоҷикистон, рӯзи душанбе дар ин замина фармони Эмомалӣ Раҳмон-раиси ҷумҳӯр содир шуда буд .
Осама Маккави-раиси дафтари Юнисеф дар Тоҷикистон, Ҷамолиддин Абдуллоҳзода-вазири тандурустии Тоҷикистон, муовинони вай ва дигари мақомоти пизишкии Тоҷикистон нахустин каоне буданд ки эм карда шуданд карданд ё ваксинаи корона дарёфт карданд..
Эмкунӣ дар бемористони Истиқлоли шаҳри Душанбе сурат гирифт . Гуфтанӣ аст нахустин маҳмула бо 192 ҳазор дозаи ваксинаи Астра Зенека /Оксфорд AstraZeneca/Oxford дар чорчӯби барномаи COVAX рӯзи 8 марти 2021 аз Ҳиндустон ба Тоҷикистон интиқол дода шуд .
Дар маҷмӯъ дар ин барнома Тоҷикистон 624 ҳазор дозаи ваксинаи мушаххасшударо дарёфт мекунад .
Ваксинасия дар Тоҷикистон дар ҳоле оғоз шуда, ки ба гуфтаи мақомоти расмӣ таи 3 моҳи ахир ҳеч мавриде аз гирифтор шудан ба Ковид 19 дар қаламрави кишвар ба сабт нарасидааст .
Бештар бихонед :
