Рамазон Раҳимзода : Густариши равобити Тоҷикистон бо Эронро дунбол мекунем
-
Рамазон Раҳимзода дар ҷараёни сафар ба Шероз дар боздид аз маҷмӯъаи ҷаҳонии Тахти Ҷамшед
Вазири дохилаи Тоҷикистон гуфт : Ба дунболи густариши ҳарчӣ бештари равобити худ бо кишвари Эрон ҳастем ва ин равобит дар ояндаи беҳтар низ мешавад .
Ба гузориши радиои тоҷикии Садои Хуросон Рамазон Раҳимзода дар ҷараёни сафар ба Шероз дар боздид аз маҷмӯъаи ҷаҳонии Тахти Ҷамшед изҳор дошт : Ба дунболи густариши ҳарчӣ бештари равобити худ бо кишвари Эрон ҳастем ва ин равобит дар оянда беҳтар низ мешавад .
Вай гуфт : Мардуми ду кишвар ба ҳам наздик ҳастанд ва рафту омад барқарор аст ва ҳамкориҳое, ки дар сохторҳои гӯногӯни ҳар ду давлату кишвар эҷод шуда, ин равобитро наздиктару густардатар кардааст .
Вазири дохилаи Тоҷикистон бо ишора ба сафари ҳамтоии эронии худ ба кишвари Тоҷикистон ( исфанди 1399 ) афзуд : Дар он сафар дар хусӯси тавсеъаи муносиботи ду кишвари Эрону Тоҷикистон баҳсу табодул назар шуд ва ин муҳим мавриди баррасӣ қарор гирифт .
Раҳимзода афзуд : Фикр мекунем, ки ҳарчӣ маҳдудиятҳо камтар ва масири иртиботи мардуми ду кишвар ҳамвортар шавад, дар маҷмӯи равобити ду кишвар низ густардатар мешавад .
Иноятуллоҳи Раҳимӣ, устондори Форс низ мавзӯи забон, фарҳанг ва тамаддунро аз нуқоти муштараку барҷастаи ду кишвар донист ва гуфт : Вуҷуди чунин муштаракоте ин имконро фароҳам кардааст, ки дар заминаи фарҳангиву иқтисодӣ густариши равобитро дунбол кунем .
Вай афзуд : Маҷмӯъаи кишварҳои форсизабон аз як тамаддуни муштарак бархӯрдор ҳастанд ва эҳсоси ғурбату бегонагӣ бо ҳам надоранд .
Раҳимӣ идома дод : Ин мунҷар мешавад, ки битавонем дар заминаи фаъолиятҳои фарҳангӣ ва иқтисодие монанди туризм, туризми дармонӣ, кишоварзӣ ва саноъати маъданӣ иртиботи хубе дошта бошем .
Бештар бихонед :
