Баста шудани 2 консулгарии Тоҷикистон дар Афғонистон

Манобеи Вазорати умури хориҷаи Тоҷикистон аз баста шудани 2 консулгарии ин кишвар дар шимоли Афғонистон хабар доданд.

Ба гузориши сомонаи РИА Новости, ин манобеъ гуфтаанд, ки дар пайи ташдиди ҳамалоти гурӯҳи Толибон ва ташаннуҷи авзоъ дар шимоли Афғонистон, фаъолияти консулгариҳои Тоҷикистон дар маркази вилоятҳои Балх ва Бадахшон мутаваққиф шудааст.

Аз ин рӯ, судури раводиди сафар барои шаҳрвандони Афғонистон танҳо дар Сафорати Ҷумҳурии Тоҷикистон дар Кобул имконпазир мебошад.

Аз сӯйи дигар, Кумитаи давлатии амнияти миллии Тоҷикистон эълом кардааст, ки дар марзи муштараки ин кишвар бо Афғонистон таҷаммуъ ва талоши паноҳандагони афғонӣ барои вуруд ба Тоҷикистон мушоҳида намешавад ва авзоъ таҳти контрол аст.

Бештар бихонед:

• Фаъолияти консулгарии Тоҷикистон дар Мазори Шариф идома меёбад
• Ифтитоҳи ду консулгарии ҷадиди Тоҷикистон дар Русия
• Консулгарии Эрон аз Мазори Шариф ба Кобул мунтақил шуд