Таъкиди сарони кишварҳои узви СПАД бар ҳалли мушкилоти Афғонистон аз тариқи сиёсӣ

Нишасти маҷозии раисони ҷумҳури кишварҳои узви Созмони Паймони Амнияти Дастаҷамъӣ(СПАД) ба раёсати Тоҷикистон баргузор шуд.

Ба гузориши Форс, ин нишаст ба раёсати Эмомалӣ Раҳмон, раисиҷумҳури Тоҷикистон баргузор шуд.

Дар ин нишаст раисони ҷумҳурии Тоҷикистон, Беларус, Русия, Қазоқистон, Қирғизистон, нахуствазири Арманистон ва дабири кулли СПАД ширкат карданд.

Илова бар ин дар ин иҷлос Шавкат Мирзиёев, раисиҷумҳури Узбекистон ба унвони кишвари даъватшуда ширкат кард.

Ширкаткунандагон дар ин нишаст дар мавриди вазъияти Афғонистону таъсири он бар амнияти кишварҳои узви СПАД табодули назар карданд.

Сарони кишварҳои узви СПАД бо ибрози нигаронӣ аз авзои Афғонистон бар аҳаммияти эҳёи қудрати давлатӣ дар ин кишвар аз тариқи гуфтугӯи мусолиматомези фарогир, бо дарназар гирифтани манофеъи ҳамаи гурӯҳҳои иҷтимоӣ, сиёсӣ, қавмӣ ва мазҳабӣ, таъкид карданд.

Дар ин нишаст эълом шуд, ки режими сиёсӣ дар Афғонистон бояд бар асоси озодии иродаи кулили мардуми Афғонистон бошад.

Ҳамчунин аъзо дар мавриди тасреъи кор барои тасвиби барномаи байналмилалии ҳадафманди байни давлатии пешниҳод шуда аз сӯи Тоҷикистон барои тақвияти навоҳии марзии ин кишвар бо Афғонистон тавофуқ карданд.

Бештар бихонед:

• Сиёсати хориҷӣ, амният ва Афғонистон дастури кори нишасти СПАД
• Ҳимояти СПАД аз амният дар марзи Тоҷикистон бо Афғонистон