96 корхонаи саноъатӣ дар Тоҷикистон фаъол нест
Вазири саноъат ва фанновариҳои навини Тоҷикистон эълом кард, ки таи ҳашт моҳи соли ҷорӣ 96 корхонаи саноъатӣ дар ин кишвар ҳеҷ фаъолияте надоштааст .
Ба гузориши радиои тоҷикии Садои Хуросон ба нақл аз сомонаи нашрияи Ҷумҳурият, Шералӣ Кабир гуфтааст, ки ин корхонаҳо мутаъаллиқ ба саноеъи ғизоӣ, мошинсозӣ ва маъодину саноеъи бофандагӣ мебошанд .
Ин вазири тоҷик таъкид кард, ки 30 корхона дар шаҳри Душанбе, 23 маркази тавлидӣ дар вилояти Хатлон, 17 корхона дар вилояти Суғд ва 6 маркази тавлидӣ дар вилояти Бадахшон дар соли ҷорӣ ҳеҷ фаъолияте надоштааст .
Вай иллати фаъолият накардани ин марокизро варшикастагӣ, нотавонӣ дар бозпардохти вомҳои банкӣ ва куҳнаву фарсуда шудани таҷҳизот унвон кардааст .
Бар асоси гузориши Вазорати саноъат ва фанновариҳои навини Тоҷикистон таи ҳашт моҳи соли ҷорӣ дар ин кишвар 157 корхонаву коргоҳи ҷадид ифтитоҳ шудааст, ки заминаи иштиғоли 1 ҳазору 366 нафарро фароҳам сохтааст.
Бештар бихонед :
- Қарзи корхонаҳои Тоҷикистон аз тавлиди нохолиси миллӣ зиёд буд
-
Намояндаи иқтисодии Фаронса аз корхонаи алюминийи Тоҷикистон дидан кард
