Таҷдиди назар дар ҳукми ҳабси абади ду шаҳрванди Тоҷикистон дар додгоҳи Қирғизистон
Октябр 13, 2021 14:51 Asia/Dushanbe
Раиси вилояти Суғд аз баррасии дубораи ҳукми ҳабси абад барои ду сокини ноҳияи Исфара дар додгоҳе дар Қирғизистон хабар дод.
Ба гузориши сомонаи “ТОП Тҷ”, Раҷаббой Аҳмадзода гуфт: Тоҷикистон дархости таҷдиди назар дар ҳукми ҳабси абади Абдурозиқ Абдулқаҳҳоров ва Аскар Юнусов ду сокини ноҳияи Исфараро ба мақомоти қазоии Қирғизистон ироа кард.
Вай афзуд, қарор аст 19 октябр ба ин мавзуъ расидагӣ шавад.
Як моҳ қабл додгоҳи ноҳияи Лайлаки вилояти Ботканди Қирғизистон ин ду сокини ноҳияи Исфараро ба иттиҳоми ғоратгарӣ ва ҷиноят алайҳи мардуми ғайримусаллаҳ дар пайи даргирии 28 ва 29 апрели соли ҷорӣ дар марзи муштараки ду кишвар ба ҳабси абад маҳкум кард.
Дар ин даргирӣ аз ду тараф 56 нафар кушта ва дастикам 300 тан захмӣ шуданд.
Бештар бихонед:
- Вазири хориҷаи Қирғизистон: То ҳалли ихтилофоти марзӣ бо Қирғизистон фосилаи зиёде вуҷуд дорад
- Музокираи 5 рӯзаи коргурӯҳҳои нақшабардории Тоҷикистон ва Қирғизистон
