Истиқлоли Тоҷикистон интиқоли 2 бозикуни ҷавони худ ба Персполисро таъйид кард
Бошгоҳи Истиқлоли Тоҷикистон бо интишори шарҳе дар фазои маҷозӣ интиқоли ду бозикуни тими футболи худ ба бошгоҳи Персполисро таъйид кард .
Ба гузориши радиои тоҷикии Садои Хуросон, тими футболи Персполис бо ҳадафи тақвияти худ барои фасли ҷорӣ ба дунболи ҷазби Ваҳдат Ҳанонов ва Манучеҳр Сафаров- ду мудофеъи ҷавони тими футболи Истиқлоли Тоҷикистон буд.
Дар ҳамин росто бошгоҳи Истиқлоли Тоҷикистон дар шарҳи Инстаграм навишт : Истиқлолу Персполис-ду рақибе, ки дар ҳаштякфинали Лигаи қаҳрамонони соли 2021 ба масофи якдигар рафта буданд, бар сари интиқоли ду бозикун ба тавофуқ расиданд. Ваҳдат Ҳанонов ва Манучеҳр Сафаров-ҷавон ба бошгоҳи Эрон куч мекунанд.
Дар идомаи ин шарҳ омадааст : Бар асоси тавофуқи суратгирифта ин ду бозикун фардои субҳ ба Теҳрон сафар карда ва пас аз пушти сар гузоштани муваффақи озмоишҳои пизишкӣ, қарордоди худро имзо хоҳанд кард, ки то июни 2024 эътибор дорад . Мудирияти бошгоҳи Истиқлоли Тоҷикистон самимона аз Ҳанонов ва Сафаров бобати замоне, ки дар бошгоҳ гузаронданд, қадрдонӣ карда ва барои онон беҳтаринҳо ва даврони ҳирфаии дурахшоне орзӯмандаст . Сафари хуш, бачаҳо ! ! !
Бештар бихонед :
- Бозикунони тоҷикистонӣ дар роҳи Персполис
-
Шодии бозикунони Истиқлоли Тоҷикистон пас аз бурди боварнакарданӣ + филм
