Pars Today

Сафири Тоҷикистон дар Арабистони Саудӣ бо Дабири кулли ҷадиди Созмони Ҳамкории Исломӣ дидор ва гуфтугӯ кард.

Ба гузориши Форс, Акрам Каримӣ, сафири Тоҷикистон дар Риёз бо Ҳусейн Иброҳим Тоҳо, дабири кулли ҷадиди Созмони Ҳамкории Исломӣ дар Ҷидда мулоқот кард.

Дар ин дидор масоили марбӯт ба ҳамкории Тоҷикистон бо Созмони Ҳамкории Исломӣ ва сохторҳои зермаҷмӯъаи он баррасӣ шуд.

Тарафайн ҳамчунин роҳҳои тақвияти таомул дар чорчӯби ин созмонро баррасӣ карданд.

Ду тараф дар ин дидор дар мавриди масоили муҳими байналмилалӣ ва минтақаӣ, аз ҷумлаи вазъияти Афғонистон ва созу корҳои ироаи кумаки башардӯстона ба мардуми афғон, баҳсу табодули назар карданд.