Афзоиши 31 дарсадии тиҷорати Тоҷикистон бо кишварҳои ИДМ

Афзоиши 31 дарсадии тиҷорати Тоҷикистон бо кишварҳои ИДМ

Ба гузориши радиои тоҷикии Садои Хуросон, бар асоси омори Хадамоти гумруки Тоҷикистон маҷмӯи мубодилоти тиҷории байни Тоҷикистон ва кишварҳои ИДМ дар ин давра беш аз 2 миллиарду 95.4 миллион доллар будааст, яъне 50.7 дарсад аз кулли тиҷорати хориҷии ин кишвар бо кишварҳои ИДМ муртабит аст .
Таи ин давра тиҷорати Тоҷикистон бо 5 кишвари муштаракулманофеъ аз ҷумла бо Туркманистон – 4.2 баробар, Русия 41.9 дарсад, Беларус – 38 дарсад рушди мусбат доштааст . Аммо гардиши молӣ бо Озарбойҷон, Арманистон, Молдова, Қирғизистон ва Украина дар ин муддат манфӣ будааст .
Бинобар гузориши ниҳодҳои марбутаи Тоҷикистон, Русия ва Қазоқистону Узбекистон аз шарикони аслии тиҷори Душанбе аз миёни кишварҳои  ИДМ ба шумор меравад .
Арзиши тиҷорати дуҷонибаи Тоҷикистон бо Русия дар 7 моҳи соли ҷории милодӣ беш аз 908.2 миллион доллар, Қазоқистон беш аз 781.6 миллион доллар ва Узбекистон беш аз 314.8 миллион доллар будааст .
Тарози тиҷории Тоҷикистон бо кишварҳои ИДМ таи ин муддат манфӣ будаву воридоти коло беш аз 3.3 баробари содирот аст.