Паёми таслияти Эмомалӣ Раҳмон ба раисиҷумҳури Непал
Январ 16, 2023 17:44 Asia/Dushanbe
Эмомалӣ Раҳмон, раисиҷумҳурии Тоҷикистон ба раисиҷумҳурии Федеративии Демократии Непал муҳтарам Бидхя Деви Бхандари паёми таслият ирсол намуд.
Дар ин паём омадааст:
«Хонуми Олиҷоҳ,
Хабари талафоти зиёди ҷонӣ бар асари суқути ҳавопаймои мусофирбари ширкати ҳавопаймоии Непал боиси андӯҳи амиқи мо гардид.
Дар иртибот ба пайомадҳои вазнини ин фоҷеаи фалокатбор ба Шумо ва ба ҳамаи наздикону пайвандони фавтидагон ҳамдардӣ ва таслияти самимии ин ҷонибро иброз менамоям».
