Об,ҳарбаи режими саҳюнистӣ алайҳи мардуми Ғазза
Гузоришгари вежаи Созмони Миллал, аз режими саҳюнистӣ хост то аз об ба унвони «силоҳи ҷангӣ» алайҳи мардуми бедифоъи Ғазза истифода накунад.
Ожонси корёбӣ ва кумакрасонӣ ба оворагони Фаластин (UNRWA),дар пайи ташдиди ҳамалоти артиши Исроил алайҳи мардуми Ғазза эълом кардааст, тақрибан 70 дарсад аз мардуми ин борика оби «шӯр ва олуда» менӯшанд.
Бино ба эъломи UNRWA фозилоб низ дар бархе манотиқ дар хиёбонҳои Ғазза пахш шуда ва Созмони Миллал ба далели камбуди сӯхт наметавонд зуболаҳоро дафъ кунад.
Ба гузориши Садои Хуросон ба нақл аз ИРНА, Педро Агодо-гузоришгари вежаи СММ, рӯзи ҷумъа хитоб ба режими саҳюнистӣ гуфт: Ҷилавгирии барқасдона аз вуруди манобеъи мавриди ниёз барои таъмини оби солим ба навори Ғазза , нақзи қавонини байналмилалии башардӯстона ва ҳуқуқи башар аст.
Агодо гуфт: «Ҳар соате, ки Исроил бархилофи қавонини байналмилалӣ, монеъ аз таъмини оби ошомидании солим дар навори Ғазза мешавад, мардуми ин минтақаро дар маърази хатари марг бархоста аз ташнагӣ ва бемориҳои муртабит бо камбуди оби ошомидании солим қарор медиҳад. »
Агодо ҳушдор дод , дар Ғазза камобӣ ва бемориҳои сирояткунанда аз тариқи об ба далели "масрафи оби шӯр ва олуда" дар ҳоли афзоиш аст.
