Фиребкории Амрико ва режими саҳюнистӣ дар тарҳи оташбас

Порс тудей - Мақомоти Ҷунбиши муқовимати исломии Фаластин(Ҳамос) таъкид карданд, иллати аслии тадовуми ҷанг дар Ғазза ва ба натиҷа нарасидани оташбас, фиребкорӣ ва коршиканиҳои Амрико ва режими саҳюнистӣ аст.

Ба гуфтаи мақомоти Ҳамос, лозимаи ҳаргуна тавофуқи эҳтимолӣ бо режими саҳюнистӣ, хурӯҷи артиши ин режим аз Ғазза, оташбаси доимӣ, шикасти муҳосираи Ғазза ва бозгашти оворагон аст.

Ба гузориши Порс тудей, раҳбарони Ҳамос дар мавриди иқдомоти кишварҳои миёнҷигар барои барқарории оташбас дар Ғазза низ эълом карданд, Мисру Қатар пешниҳодоте барои оташбаси чандрӯза, афзоиши кумакҳо ва табодули ҷузъии асирон ироа кардаанд, аммо ин пешниҳодот шомили таваққуфи доимии даргириҳо ва ақибнишинии режими саҳюнистӣ аз Ғазза ва бозгашти оворагон нест.

Ин пешниҳодот ҳамчунин посухгӯи ниёзҳои мардум ба амният, имдодрасонӣ, бозсозӣ ва бозгушои гузаргоҳҳо хусусан гузаргоҳи Рафаҳ нест.

Сомӣ Абузаҳрӣ, аз раҳбарони Ҳамос гуфт: Амрикоиҳо дунболи як тавофуқи зоҳирӣ дар Ғазза ҳастанд, Ҳамос ба ҳеҷ тамосе, ки ҳадафи он ироаи роҳи ҳал бошад пушт накардааст, наметавонем усарои ишғолгаронро таҳвил диҳем дар ҳоле, ки онҳо ба куштори мардуми Фаластин идома медиҳанд. Ба гуфтаи Абузаҳрӣ тарҳе, ки ба Ҳамос ироа шуд, хостаҳои мардуми Фаластинро бароварда намекунад.

Дар ин ҳол, Наҷиб Миқотӣ, нахуствазири давлати пешбурди умури Лубнон низ дар дидор бо Aroldo Lázaro, фармондеҳи неруҳои ҳофизи сулҳи Созмони милал дар ҷануби Лубнон гуфт: Густариши доманаи таҷовузоти душмани исроилӣ ба манотиқи мухталифи Лубнон бори дигар таъйидкунандаи мухолифати душмани саҳюнистӣ бо тамомии талошҳои анҷом шуда барои дастёбӣ ба оташбас дар ростои омодагӣ барои иҷрои комили қатъномаи 1701 аст.

Изҳороти нахуствазири Лубнон пас аз он баён шуд, ки Энтони Блинкен, вазири умури хориҷаи Амрико муддаӣ шуд, ки музокиракунандагон «пешрафти хубе» дар заминаи оташбас дар Лубнон доштаанд.

Иддаои мақомоти амрикоӣ ва саҳюнист, барои барқарории оташбас дар шароите матраҳ мешавад, ки артиши режими саҳюнистӣ аз 23 сентябри 2024 ҳамалоти густардаеро ба манотиқи мухталифи ҷануби Лубнон оғоз кардааст.

Дар моҳҳои ахир ва бо густариши ҷангафрузиҳо ва буҳронофариниҳои режими саҳюнистӣ дар минтақа, мақомоти амрикоӣ ва саҳюнист ҳамвора муддаӣ буданд, ки тарҳҳои мухталиферо барои оташбас дарназар гирифтаанд.

Ин иддаоҳо дар шароите матраҳ мешавад, ки ҳамалоти саҳюнистҳо бо ҳимояти мустақими Амрико, ба Ғазза ва Лубнон идома дошта ва ҳатто дар рӯзҳои ахир ташдид ҳам шудааст.

Бинобар ин, сарони гуруҳҳои муқовимати фаластинӣ низ бо огоҳӣ аз аҳдофу коршиканиҳои Амрико ва режими саҳюнистӣ бар усӯли тағйирнопазири худ барои барқарории оташбас таъкид мекунанд. Хурӯҷи неруҳои ишғолгар аз Ғазза, бозгашти оворагон ба маҳали зиндагӣ, аз ҷумлаи усӯли асосӣ аст, ки фаластиниҳо дар раванди ҳаргуна музокирот ва ё тарҳе барои оташбас, бо ҳадафи дифо аз ҳуқуқи машрӯъи худ, бар он таъкид доранд.

Усома Ҳамдон, узви дафтари сиёсии ҷунбиши Ҳамос дар ин бора гуфт: Суҳбат аз оташбаси ҷузъӣ, мантиқӣ нест, зеро ончӣ мо мехоҳем ин аст, ки ҳамалот ба мардуми Фаластин комилан мутаваққиф шавад. Муқовимат дар ин масир ҳазинаҳои зиёде пардохту давлати Амрико бояд мутаваҷҷеҳ бошад, ки мо қурбонии фиребкориҳояш нахоҳем шуд. Давлати Амрико қасд дошт аз мавзӯи музокирот ба нафъи интихоботи ин кишвар баҳрабардорӣ кунад ва масири ҷабҳаҳои муқовиматро аз ҳам ҷудо кунад, аммо муваффақ нашуд. Коре, ки давлати Амрико анҷом медиҳад, мушорикати комил дар ҷиноят аст ва агар мехост мошини кушторро мутаваққиф кунад, таъмини силаҳ барои ишғолгаронро мутаваққиф мекард.