Чӣ шуд ки Амрико ба музокираи бо Ҳамос руй овард

Порс тудеӣ- коршиносон ва таҳлилгарони сиёсӣ бо ишора ба руй овардани Доналд Трамп, раиси ҷумҳури Амрико барои музокира бо ҷунбиши муқовимати исломии Фаластини "Ҳамос"ро таҳлил кардаанд.

Ба гузориши Порс тудеӣ, Фирас Яғӣ, коршиноси масоили саҳюнистӣ бо ишора ба музокираҳои мустақими Амрико ва Ҳамос, онро натиҷаи эътиқоди давлати Трамп, ки музокироти мустақим ба раҳоии зиндониёнро суръат мебахшад ва муқаддимаи тарҳҳои густурда дар минтақа медонад.

Аз сӯйи дигар, Ҳасан Лафӣ, таҳлилгари дигари фаластинӣ гуфтааст: "Музокироти Амрико бо Ҳамос ду ҷанбаи манфӣ ва мусбат дорад." Ҷониби мусбати он ин аст, ки маъмурияти Трамп муътақид аст, ки мушкили зиндониён бидуни Ҳамос ҳал намешавад ва ин ба шикасти фишори низомии Нетаняҳу баробар аст.

Ба гуфтаи ӯ, ҷанбаи манфии ин фиреби Амрико алайҳи Ҳамос барои раҳоии шумори бештари маҳбусон бидуни ӯҳдадории қатъи ҷанг аст.

Иёд Ал-Қӯра, коршиноси сиёсии фаластинӣ низ гуфт: "Музокироти Амрико бо Ҳамос як қадами муҳиме барои боз кардани дари муколамаи густурда аст, ки фаротар аз мавзӯъи асирон аст ва имкони қатъи ҷанг дар Ғазза ва маҷбур кардани ишғолгаронро ба иҷрои тааҳҳудоти худ мекунад."

Вай афзуд: "Ин музокираҳо бозтоби коҳиши эътимоди Вошингтон ба ишғолгарони исроилӣ ва нокомии онҳо дар пирӯзӣ бар Ҳамос ё ҳошияи сиёсӣ аз он аст."

Дар ҳамин ҳол; Абдел Барӣ Атвон, таҳлилгари саршиноси ҷаҳони араб, гуфт: "Рӯйи Доналд Трамп ба музокира натиҷаи ноумедии ҳукумат ва фиристодаи ӯ аз дикта кардани шартҳо ба Ҳамос тавассути миёнаравҳои арабӣ аст."

Шабакаи "i24"-и исроилӣ низ дар гузорише ба таҳдидҳои беҳудаи Доналд Трамп ва Бинёмин Натаняҳу алайҳи Ҳамос ишора карда ва гуфтааст, ки раисиҷумҳури Амрико ва нахуствазири Исроил натавонистаанд, таҳдидҳои худро иҷро кунанд ва ҳоло дар пайи дӯстӣ бо Ҳамос ҳастанд.

Дар пайи нокомии Натаняҳу дар дастёбӣ ба аҳдофи ҷанг дар Ғазза, шабакаи телевизионии Исроил Шабакаи 13 дар пайи музокироти мустақими Амрико бо Ҳамос бо истинод ба бархе аз мақомоти саҳюнистӣ хабар дод, ки агар Доналд Трамп бо Ҳамос ба тавофуқ бирасанд, мухолифати Бинёмин Нетаняҳу ба он хеле мушкил хоҳад буд ва амрикоиҳо низ бар он амал хоҳанд кард.

Ин дар ҳолест, ки Ҷунбиши муқовимати исломии Фаластин "Ҳамос" ҳамчунон ба иҷрои ҳама тақозоҳояш, аз ҷумла иҷрои табодули асирон, хурӯҷи комили нерӯҳои ишғолгар аз Ғазза ва тааҳҳуди режими саҳюнистӣ барои идомаи музокира аз сар нагирифтани ҷанг, пофишорӣ мекунад.