Чаро режими саҳюнистӣ ба нақзи оташбас дар Лубнон идома медиҳад?

Порс Тудей- Артиши режими саҳюнистӣ, ҳамчунон ба таҷовузот ва нақзҳои мукаррари оташбас дар Лубнон идома медиҳад.

Дар идомаи ташдиди танишҳо дар марзҳои ҷанубии Лубнон, нерӯҳои режими саҳюнистӣ бо тирандозии заминӣ ва парвози паҳподҳо ва ҳавопаймоҳои бесарнишин бар фарози манотиқи мухталиф, аз ҷумла Бейрут бори дигар ҳокимияти Лубнон ва тавофуқи оташбасро нақз карданд.

Ҷодаи фаръӣ миёни ду шаҳраки «Адиса» ва «Кафаркило» дар хоки Лубнон ҳадафи тирандозӣ бо силоҳҳои сабук аз сӯи низомиёни мустақар дар шаҳраки «Мискофъом» дар сарзаминҳои ишғолӣ қарор гирифтааст.

Бар асоси омори расмии Лубнон, ҳамлаҳои режими саҳюнистӣ аз замони имзои тавофуқи оташбас бо Лубнон то моҳи гузашта (ноябр) ба шаҳодати 335 нафар ва захмӣ шудани 973 нафар анҷомидааст; оморе, ки нишондиҳандаи ташдиди хатарноки нақзҳо ва вахомати авзои амниятӣ дар ҷануби ин кишвар аст.

Дар канори ин ҳамлаҳо, артиши режими саҳюнистӣ ба амалиёти тахриб, инфиҷор ва ҳамлаҳои ҳавоӣ тақрибан рӯзона дар ҷануби Лубнон идома медиҳад ва ҳамчунон ҳузури низомии худро дар чанд нуқтаи марзӣ ҳифз кардааст. Ин вазъият боиси оворагии густардаи сокинони манотиқи ҷанубӣ ва фалаҷ шудани зиндагии рӯзмарра шуда ва ҳамзамон ҳушдорҳои байналмилалӣ дар бораи эҳтимоли густариши даргирӣ ба як ҷанги минтақаии чандҷабҳаӣ афзоиш ёфтааст.

Режими саҳюнистӣ ба нақзи оташбас дар Лубнон идома медиҳад то фишор бар муқовимат, эҷоди бесуботии дохилӣ ва заминасозӣ барои ҳузури низомии бештар дар ҷануби Лубнонро фароҳам кунад. Ин иқдомот бахше аз тавтиае аст, ки бо ҳимояти Амрико дунбол мешавад ва ҳадафи он тазъифи Ҳизбуллоҳ ва тағйири мувозинаи қудрат дар минтақа аст. Гузоришҳо нишон медиҳад артиши режими саҳюнистӣ ҳатто дар манотиқи марзӣ бо Лубнон иқдом ба сохти пойгоҳҳои низомӣ кардааст.

Сарони режими саҳюнистӣ умедвор буданд бо фишорҳои низомӣ ва сиёсӣ битавонанд Ҳизбуллоҳро халъи силоҳ кунанд, аммо то кунун ба ҳадафи худ нарасидаанд. Режими саҳюнистӣ бо ин иқдомот дар пайи таҳмили шароити ҷадиди амниятӣ ва сиёсӣ бар Лубнон аст, аммо дар амал бо нокомӣ дар тазъифи муқовимат ва мутақобилан бо афзоиши машрӯияти мардумии он рӯбарӯ шудааст.

Амрико бо ҳимояти сиёсӣ ва сукут дар баробари таҷовузоти режими саҳюнистӣ заминаи нақзи оташбасро фароҳам кардааст; дар муқобил, ҷомеаи ҷаҳонӣ ва созмонҳои байналмилалӣ борҳо ҳушдор додаанд, ки ин раванд метавонад ба як ҷанги густардатар дар минтақа мунҷар шавад.

Бо таваҷҷуҳ ба таҳаввулоти таърихии минтақа, чанд насл аз мардуми Лубнон таҷрибаи ишғол, рабоиш ва кушторро доштаанд ва дар натиҷа ин ҳофизаи таърихӣ муқовиматро ба зарурате ҳамешагӣ табдил кардааст. Режими саҳюнистӣ бо идомаи ҳамлаҳои шахсиятӣ ва амниятӣ ба дунболи тазъифи муқовимат ва бесуботсозии Лубнон аст, аммо ин сиёсатҳо дар амал ба тақвияти ҷойгоҳи Ҳизбуллоҳ мунҷар шудааст.

Режими саҳюнистӣ бо нақзи оташбас дар Лубнон дар пайи эҷоди бесуботӣ ва фишор бар муқовимат аст, аммо ин тавтиаи муштараки саҳюнистӣ-амрикоӣ бо шикаст мувоҷеҳ шудааст. Ҳимояти Амрико аз ин таҷовузот ҳарчанд заминаи идомаи онро фароҳам карда, аммо натавонистааст ҷойгоҳи муқовиматро тазъиф кунад.

Дар муқобил, муқовимати Лубнон бо иттико ба машрӯияти мардумӣ, тавони низомӣ ва таҷрибаи таърихӣ ҳамчунон ба унвони нерӯи боздорандаи аслӣ дар баробари таҷовузоти режими саҳюнистӣ боқӣ мондааст. Ин вазъият нишон медиҳад, ки ҳарчи режими саҳюнистӣ бештар ба нақзи оташбас идома диҳад, машрӯият ва инсиҷоми муқовимати Лубнон бештар тақвият хоҳад шуд.

Тадовими танишофаринии режими саҳюнистӣ ин воқеиятро ошкор мекунад, ки нерӯҳои муқовимат дар Лубнон бо ҳифзи боздорандагӣ ва омодагӣ барои посухи ҳисобшуда ба таҷовузот омодагии комил доранд.