Маарив: Сиёсатҳои Натаняҳу, артиш ва эътимоди умумиро ба шиддат заиф кардааст

Порс Тудей- Рӯзномаи исроилии «Маарив» ҳушдор дод, ки тадовуми ҷанги фарсоишӣ ва тасмимоти сиёсии Бинёмин Натаняҳу, Исроилро дар вазъияти бесобиқае аз буҳрони низомӣ ва иҷтимоӣ қарор додааст.

Рӯзномаи саҳюнистии «Маарив» дар гузорише навишт: Сиёсатҳои ҷангии Натаняҳу, Исроилро бо мушкилоти ҷиддӣ рӯбарӯ кардааст; ҷанг дигар натиҷае ба ҳамроҳ надорад ва фақат фарсоиши бештар эҷод мекунад, бидуни он ки дастоварди сиёсии мавриди интизорро фароҳам кунад.

Ба гузориши Порс Тудей, ин рӯзномаи саҳюнистӣ бо таъкид бар ин ки Нетаняҳу бо истифода аз сиёсати ҷангафрӯзӣ талош мекунад муҳокимаи худро таълиқ намояд, навишт: Наздик ба се сол аз ҷанги Ғазза, тулонитарин ҷанги фарсоишӣ дар таърихи режими саҳюнистӣ мегузарад ва артиши ин режим дар вазъияти номатлубе қарор дорад.

«Маарив» афзуд, ки артиши Исроил натанҳо аз назари нерӯи инсонӣ, балки аз назари сохтор низ дучори нишонаҳои ҷиддии буҳрон шудааст; ба гунае ки бисёре аз низомиён ба далели фарсоиши рӯҳӣ ва хастагии ношӣ аз ҷанги тулонӣ, ба дунболи бознишастагии пеш аз мавъид ҳастанд.

Ин гузориш бо ишора ба ин ки Исроил қудрати халъи силоҳи Ҳизбуллоҳро надорад, таъкид кард, ки дар ниҳоят ин артиши Исроил аст, ки ҳазинаи ҷанги Нетаняҳу дар Лубнонро дар баробари афкори умумӣ, ки воқеияти майдониро мутафовит аз изҳороти вай мебинанд, хоҳад пардохт.

Аз сӯи дигар, рӯзномаи саҳюнистии «Ҳааретс» дар гузорише ҳушдор дод, ки ҷанги Амрико ва Исроил зидди Эрон, миллионҳо исроилиро бо осебҳои равонӣ дар сатҳи осебшинохтӣ мувоҷеҳ карда ва баъд аз ҷанг нархи ихтилолоти шадиди равонӣ дар ин режим ба шакли бесобиқае афзоиш ёфтааст. Бар асоси ин гузориш, ҷанги тулонӣ ва фазои ноамни ношӣ аз он, мавҷе аз ихтилолоти равониро дар миёни исроилиҳо эҷод кардааст; ба гунае ки аз ҳар панҷ саҳюнист, як нафар алоими ихтилоли стресси пас аз сонеҳа (PTSD)-ро нишон медиҳад.

«Ҳааретс» ин оморро «нигоронкунанда ва бесобиқа» тавсиф кард ва навишт, ҳафт дарсад аз саҳюнистҳо акнун бо ихтилоли васвоси фикрӣ-амалӣ дасту панҷа нарм мекунанд; рақаме ки ба гуфтаи коршиносони саломати равон, дар муқоиса бо пеш аз ҷанг афзоиши чашмгире доштааст.