Анҷоми 21 амалиёт аз сӯи Ҳизбуллоҳ / 13 низомии саҳюнист захмӣ шуданд

Порс Тудей — Ҷунбиши Ҳизбуллоҳ бо интишори баёнияе аз анҷоми 21 амалиёти низомӣ алайҳи таҷаммуъҳо, адавоти ҷангӣ ва марказҳои фармондеҳии артиши саҳюнистӣ дар ҷабҳаи ҷануби Лубнон хабар дод.

Ба гузориши Порс Тудей, Ҳизбуллоҳи Лубнон дар посух ба таҷовузот ва нақзи оташбас тавассути режими саҳюнистӣ, маҷмӯае аз амалиётҳои таркибиро алайҳи нерӯҳои ишғолгар иҷро кард, ки тибқи эъломи Вазорати беҳдошти режим дар ҷараёни он 13 нафар захмӣ шуданд.

Ҷунбиши Ҳизбуллоҳ дар тавзеҳи ин силсилаамалиёт эълом кард, ки таҷаммуи низомиёни саҳюнистро дар «Тайрҳарфо», «Рашаф», «Дайрсириён», «Биёза» ва «Ан-Ноқура» бо паҳпод ҳадаф қарор додааст.

Дар идома ин ҷунбиш аз ҳадаф қарор додани ду худрави муҳандисӣ, ду булдозери D9, як худрави «Ҳаммер» ва як танки «Маркава» дар манотиқи «Биёза», «Тайрҳарфо», «Ан-Ноқура» ва «Рашаф» бо паҳпод ва мушаки ҳидоятшаванда хабар дод.

Ҳизбуллоҳи Лубнон ҳамчунин эълом кард, ки таҷаммуи низомиёни саҳюнистро дар «Водӣ-ул-Уюн», «Сарбин», «Рашаф», «Биёза» ва ҷодаи «Ан-Ноқура» бо ракета ва гулӯлаҳои тӯп ҳадафи ҳамла қарор додааст.