Идомаи ҳамлаҳои ҳавоии режими саҳюнистӣ ба ҷануби Лубнон

Порс Тудей — Артиши режими саҳюнистӣ дар идомаи ҳамлаҳои ҳавоии худ ба ҷануби Лубнон, минтақаи Набатияро ҳадаф қарор дод.

Ба гузориши Порс Тудей ба нақл аз ИРНО, ҷангандаҳои режими саҳюнистӣ бомдоди шанбе маҷмӯае аз ҳамлаҳои ҳавоиро алайҳи шаҳракҳои Ал-Фавқо, Ҳабуш ва Кафаррумон дар минтақаи Набатия дар ҷануби Лубнон оғоз карданд.

Тӯпхонаи артиши режими саҳюнистӣ низ ҳамзамон бо ин ҳамлаҳо, манотиқи дигаре монанди Яҳмар ва Саҳмарро гулӯлаборон кард.

То кунун оморе аз талафоти инсонӣ ва хисороти ношӣ аз ҳамлаҳои ҳавоии ахири режими саҳюнистӣ ба ҷануби Лубнон мунташир нашудааст.

Режими Исроил аз 2-юми марти соли 2026 ҳамлаи густурдаеро алайҳи Лубнон оғоз кардааст, ки тибқи омор то рӯзи гузашта (сешанбе) мунҷар ба шаҳодати се ҳазору 666 нафар ва захмӣ шудани 11 ҳазору 321 нафар шудааст.