Узви аршади Ансоруллоҳ: Баёнияҳои Шӯрои амният арзиши таваҷҷуҳ надорад
Порс Тудей - Узви дафтари сиёсии ҷунбиши Ансоруллоҳи Яман дар паёме бо таъкиди бар инки мо азми худро барои бозпасгирии ҳуқуқамон ҷазм кардаем, гуфт, баёнияҳои Шӯрои амнияти арзиши таваҷҷуҳ надорад.
Ба гузориши Порс Тудей ба нақл аз ИРНА, Ҳизом Ал Асад, узви дафтари сиёсии ҷунбиши Ансоруллоҳи Яман дар паёме дар ҳисоби корбарии худ дар шабакаи иҷтимоии Х, навишт: Миллати мо бо иттико ба Худо, ҳуқуқи худро бозпас хоҳад гирифт, муҳосираро дарҳам хоҳад шикаст ва бо қудрат ба истиқлоли комили худ даст хоҳад ёфт.
Вай афзуд, ончӣ бо зӯр гирифта шуда, танҳо бо зур бозпас гирифта мешавад, мо азми худро барои бозпасгирии ҳуқуқамон ҷазм кардаем.
Узви дафтари сиёсии ҷунбиши Ансоруллоҳ Яман гуфт: Шӯрои амнияти Созмони Милали Муттаҳид, ки дар тули 12 сол аз гирифтани мавзеи ҳақ дар қиболи муҳосираи Яман ва таҷовуз ба миллати он ва бузургтарин фоҷеъаи инсонии ношӣ аз он ва мутаваққиф кардани наслкушии сокинони Навори Ғазза ва гирифтани мавзеъ дар қиболи таҷовузи Амрико ва (режим) Исроил ба кишварҳо ва миллатҳои исломӣ нотавон будааст, баёнияҳояш арзиши таваҷҷӯҳ надорад.
