Бунбаст дар музокироти давлати Лубнон ва режими саҳюнистӣ
Порс Тудей - Шабакаи «Ал Маёдин» ба нақл аз як манбаи дипломатии лубнонӣ эълом кард, ҳеҷ барномае барои баргузории даври ҷадиди музокирот миёни давлати Лубнону тарафи исроилӣ дар моҳи оянда вуҷӯд надорад.
Ба гузориши Порс Тудей ба нақл аз хабаргузории Садо ва симо, гузориши шабакаи Ал Маёдин ҳокӣ аз бунбаст ва бурузи ихтилофоти амиқ дар раванди гуфтугӯҳо миёни давлати Лубнону режими саҳюнистӣ бо миёнҷигарии Амрико аст.
Як манбаи дипломатии лубнонӣ дар гуфтугӯ бо шабакаи «Ал Маёдин» эълом кард, ки ҳеҷ барномае барои баргузории даври ҷадиде аз музокирот миёни Лубнону тарафи исроилӣ дар моҳи оянда вуҷӯд надорад ва дар сӯрати тавофуқ бар сар идомаи гуфтугуҳо, эҳтимолан ин нишаст ба баъд аз тобистони ҷорӣ мавкӯл хоҳад шуд.
Ба гуфтаи ин манбаи огоҳ, мавозеъи тарафҳои амрикоӣ ва исроилӣ монеъи пешрафт дар гуфтугӯҳо шудааст.
Пештар Ҳизбуллоҳи Лубнон дар вокуниш ба интишори як нақшае ҷаълӣ аз сӯи вазорати умӯри хориҷаи режими саҳюнистӣ, ки ҷануби Лубнонро дарбар мегирад, аз давлат хост музокироти мустақим бо Исроилро мутаваққиф кунад.
