Коршиноси араб: Устувории Эрон Трампро ба марзи ҷунун кашондааст

Порс Тудей - Як нависанда ва коршиноси масоили ғарби Осиё гуфт: Сабри роҳбурдӣ ва иқтисодии Эрон Доналд Трамп, раисиҷумҳури Амрикоро ба марҳалаи ҷунун расондааст.

Ба гузориши Порс Тудей ба нақл аз Ирна, Форис Ал-ҳабошна, нависанда ва коршиноси араби масоили ғарби Осиё дар матлабе, ки дар сайти «Араби 21» мунташир шуд, навишт: Рӯйкарди роҳбурдии феълии Амрико дар қиболи Эрон, бар эъмоли фишорҳои иқтисодӣ ва муҳосираи дарёӣ ва молӣ мутамаркиз аст.

Вай афзуд: Сиёсати муҳосираи иқтисодӣ ва таҳримҳо аз соли 1979 яъне аз замони пирӯзии Инқилоби Исломии Эрон ва даҳаҳои пас аз он аз сӯи Амрико дунбол шудааст ва тайи ин солҳо Эрон бо сиёсати дарҳои бози худ дар қиболи кишварҳои ҳамсоя, Русия, Чин ва муттаҳидонаш дар минтақа бо он муқобила кардааст.

Вай афзуд: Давлати Амрико рӯи муҳосираи иқтисодӣ ба унвони василае барои имтиёзгирӣ аз Эрон, тағйири рафтори Эрон ва таърифи муҷаддади маънои нуфӯзи минтақавӣ ҳисоб боз кардааст, аммо мушкили гузинаи роҳбурдии Амрико дар таҳримҳои иқтисодӣ ин аст, ки Эрон дар тӯли даҳаҳои мутамодӣ ба созгорӣ бо таҳримҳо, илзимот ва ҳазинаҳои ношӣ аз он одат кардааст.

Ин коршинос таъкид кард: Сабри роҳбурдӣ ва иқтисодии Эрон, амрикоиҳоро ба сардаргумӣ кашонда ва раисиҷумҳури Амрикоро ба далели устуворӣ ва шуҷоати мавзеи Эрон ба ҳолати ҷунуни ғайриқобили таҳаммуле расондааст; хусусан ки Трамп дӯст дорад, ки дар ҷангҳо ва буҳронҳо сареъ ба натиҷа бирасад ва тасаввур мекунад, ки ҳаргиз касе аз ҳарфаш сарпечӣ намекунад ва дархосташро рад намекунад ва ҳама чиз бебурубаргард мутобиқи майли ӯ пеш меравад.

Вай тасреҳ кард, ки Амрико бо дар пеш гирифтани сиёсати мунзавӣ кардан ва муҳосираи иқтисодии Эрон, ба дунболи натиҷае аст, ки дар ҷанги низомӣ ба даст наовард.