Эъдоми бидуни тафҳими иттиҳоми атбои покистонӣ дар Арабистон
Бисёре аз атбои покистонӣ бидуни тафҳими иттиҳом, эъдом шуда ё сари онҳо бурида мешавад.
Валиаҳди Арабистон дар дидор бо нахуствазири Покистон ваъда дода буд, 2107 табааи покистонии маҳбус дар зиндонҳои Арабистон озод хоҳанд шуд, ин дар ҳоле аст, ки бисёре аз атбои ин кишвар бидуни тафҳими иттиҳом, эъдом шуда ё сари онҳо бурида мешавад.
Ба гузориши хабаргузории Форс, валиаҳд Арабистони Саудӣ дар дидор бо нахуствазири Покистон ваъда дода буд, 2107 табааи покистонии маҳбус дар зиндонҳои Арабистон озод хоҳанд шуд.
Дар ҳамин росто, бархе ахбор нишон медиҳад, рӯзи гузашта яке дигар аз атбои покистонӣ бидуни тафҳими иттиҳом дар Арабистон эъдом ва сараш бурида шуд.
Бар асоси гуфтаи бархе қузоти покистонӣ, Арабистон барои атбои ин кишвар ҳозир нест, ҳатто мутарҷим фароҳам кунад, то аз ҳаққу ҳуқуқашон дифо кунанд.
Ин дар ҳоле аст, ки хонаводаи бисёре аз зиндониёни покистонӣ ба озод нашудани ин зиндониён тибқи ваъдаи Муҳаммад ибн Салмон, валиаҳди Арабистон эътироз карданд.
Хонаводаи зиндониёни эълом карданд, баъд аз эъдоми як завҷи покистонӣ ба ҷурми доштани маводи мухаддир, нигаронӣ дар бораи зиндониёни Покистон, ки дар зиндони Ҷадда басар мебаранд, бештар шудааст.
Раҷо Алӣ Эъҷоз, сафири Покистон дар Арабистон зимни эъломи ин ки аз тариқи мақомоти Саудӣ пайгири ин мавзӯ ҳастанд, тасреҳ кард, умеде ба озодии маҳкумон ба эъдом дар Арабистон вуҷуд надорад.
