Вокуниши Ироқ ба дахолати сафорати Амрико дар умури дохилии ин кишвар
Созмони иртиботот ва расонаҳои Ироқ рӯзи панҷшанбе баёнияи сафорати Амрико дар бораи нигаронӣ аз баста шудани бархе аз шабакаҳои ироқии хушунатталабро маҳкум кард ва онро дахолат дар умури дохилии Ироқ донист.
Сумирия нюз, сафорати Амрико дар Бағдод имрӯз баёнияе дар вокуниш ба баста шудани бархе аз шабакаҳои хабарии Ироқ содир кард ва аз мақомоти ин кишвар хост ба ҳуқуқи аҳолии матбуот эҳтиром бигузоранд. Ин дахолати Амрико дар умури Ироқ бо вокуниши мақомоти ироқӣ, рӯбарӯ шудааст.
Созмони иртиботот ва расонаҳои Ироқ бо судури баёнияе эълом кард: “дахолати сафорати Амрико дар умури дохилии Ироқ мояи тааҷҷуб аст, дар ҳоле, ки масъулони амрикоӣ таъкид мекунанд, ки аз ҳокимияти Ироқ ҳимоят мекунанд”.
Бинобар эъломи манобеи хабарӣ, Созмони иртиботот ва расонаҳои Ироқ рӯзи сешанбе дафтари шабакаи телевизиони «Ал Даҷла» дар Бағдодро таътил кард.
Ин баёния афзуд, Созмони иртиботот ва расонаҳои Ироқ мустақил аст ва бино бар қонуни хосси худ, амал мекунад ва дастуроташро аз ҳеч ниҳоди ироқии дигар намегирад.
Бинобар ин баёния, иқдомоти ахири ин созмон барои бастани дафотири бархе аз расонаҳои хабарӣ бар асоси назорати дақиқ бар ахбор ва навъи гуфтумони ин расонаҳо анҷом шудааст. Бархе аз расонаҳо, қавонини матбуоти мубтанӣ бар маншурот ва конвенсияҳои байналмилалӣ дар бораи озодиро зери по гузоштанд.
Дар ин баёния омадааст, тамоюзи равшан миёни озодии расонаҳо ва табдили он ба минбар барои таҳрики мардум ва тарғиби онҳо ба хушунат ва ихлолгарӣ ва барҳам задани назми умумӣ ба таври мустақим ё ғайри мустақим вуҷуд дорад. Мо борҳо ба ин расонаҳо ҳушдор додем ва аз онҳо хостем амалкарди худро тасҳеҳ кунанд, аммо таваҷҷуҳе накарданд.
Сафорати Амрико дар Бағдод имрӯз дар бораи ончи«ташдиди маҳдудиятҳо ва ироб» мақомоти ироқӣ хонда , баёнияе расонаӣ, содир карда ва аз мақомоти ироқӣ хост ба ҳаққи аҳолии матбуот эҳтиром бигузоранд ва маҳдудияте барои кор онҳо эҷод накунанд.
Созмони иртиботот ва расонаҳои Ироқ пештар эълом карда буд, ки шабакаи Ал Даҷла ба ҳамроҳи ҳафт шабакаи телевизионии моҳвораии дигар, қавонини пахши расонаиро риоят накарда ва барномаҳое, ки ба хушунат доман мезанадро пахш мекунанд.
Бар асоси ин гузориш, шабакаҳои телевизионии «Ал Арабия Ал Ҳадас», «Даҷла», «Ал Шарқия», «NRT», «Ал Рашид», «ANB», «Ал Фалуҷа» ва «Ҳано Бағдод», расонаҳое ҳастанд, ки дастури таътилии онҳо содир шудааст.
Эътирозҳо дар бархе аз шаҳрҳои Ироқ аз ҷумла Наҷаф ва Носирия аз шаби гузашта шиддат ёфтааст.
Шуморе аз афроди муҳоҷим шаби гузашт (чаҳоршанбе) бо ҳамла ба консулгарии Эрон дар шаҳри Наҷаф, онро оташ заданд ва хабарҳои расида ҳикоят аз талоши онҳо барои ҳамла ба дафотири манозили мароҷеи шиаи Ироқ дар Наҷаф дорад.
