Оғози хуруҷи низомиёни амрикоӣ аз ғарби Ироқ

Манобеи расонаӣ аз оғози хуруҷи низомиёни амрикоӣ аз пойгоҳи “Алҳаббония”, дар вилояти Аланбор, ғарби Ироқ хабар доданд.

Ба гузориши рӯзи сешанбеи хабаргузории “Форс”, бурҷҳои муроқибате, ки нерӯҳои амрикоӣ дар вуруди пойгоҳи “Алҳаббония”, дар вилояти Аланбори Ироқ дар он мустақар буданд, тахлия шудааст.

Нерӯҳои амрикоӣ панҷшанбеи гузашта ҳам аз пойгоҳи худ дар шаҳри Алқоим вилояти Ананбор ақибнишинӣ карданд.

Бархе манобеъ ин ақибнишинии Амрикоро ба далели ҳароси низомиёни амрикоӣ аз ҳамалоти идомадор ба пойгоҳҳои худ дар Ироқ унвон кардаанд.

Мардум ва бисёре аз мақомоти ироқӣ хоҳони хуруҷи низомиёни террористи амрикоӣ аз хоки кишварашон ҳастанд.

Хабари дигар ин ки нерӯҳои “Ҳашдушшаъбӣ”-и Ироқ ду тан аз саркардаҳои гурӯҳи террористии ДИИШ - ро ба ҳамроҳи се террористи дигар дар вилояти Салоҳуддин, шимоли ин кишвар ба ҳалокат расонданд.

Ин афроди террорист дар ҳоли омода шудан барои як амалиёти инфиҷорӣ буданд, ки тавассути нерӯҳои Ҳашдушшаъбӣ ҳадаф қарор гирифта ва аз пой даромаданд.