Pars Today

Энрике Мора, муовини масъули сиёсати хориҷии Иттиҳоди Аврупо тавофуқи БарҶомро беҳтарин гузина дар хусуси парвандаи ҳастаии Эрон тавсиф кард.

Ба гузориши ИРНА, Энрике Мора рӯзи ҷумъа бо интишори паёме дар Твиттер навишт: Барои Иттиҳоди Аврупо, БарҶом беҳтарин чорчӯби мумкин, агар нагӯем танҳо, барои расидагӣ ба нигарониҳои машруи ҷомеаи байналмилалӣ дар бораи барномаи ҳастаии Эрон аст.

Мора чаҳоршанбеи гузашта низ бо Алӣ Боқирии Канӣ, муовини сиёсии вазири умури хориҷаи Эрон дар Давҳа (Қатар) дидор кард ва дар твитте навишт, ки ду тараф перомуни тийфи васеъе аз масоили дуҷониба, минтақаӣ ва байналмилалӣ, аз ҷумла роҳҳои пеширӯи музокироти БарҶом ва ҳамчунин роҳкоре марбут ба ҳавзаи халиҷи Форс гуфтугӯ карданд.

Намояндагони тройкаи аврупоӣ ҳам ҳафтаи пеш барои дуюмин бор пас аз вақфа дар музокироти рафъи таҳримҳо, ки аз сентябри гузашта ба далели тааллули тарафи амрикоӣ барои ахзи тасмимҳои сиёсӣ муаттал мондааст, бо Боқирӣ дидор карданд.

Эрон ба унвони кишваре масъулиятпазир ҳамвора эълом кардааст, ки барои ақди тавофуқе пойдору қобили иттико, ки таҳримҳоро ба наҳве тазминшуда рафъ кунад ва мавзуе ба унвони аҳроми фишор ҷиҳати истифода алайҳи Эрон дар оянда боқӣ намонад, омодагӣ дорад.

Бештар бихонед:

• Беҳбуди шохисҳои иқтисодии Эрон бо вуҷуди ташдиди таҳримҳои ғайриқонунии Амрико