Шӯрои низомии Нигерия : Пойгоҳи низомии Фаронса то поёни сол барчида мешавад

Шӯрои низомии Нигерия дар баёнияе эълом кард, пойгоҳи низомии Фаронса дар Ниамӣ, пойтахти Нигерия ки бештарин низомиёни фаронсавӣ дар он ҳузур доранд, то поёни соли 2023 барчида мешавад.

Ба гузориши хабаргузории Спутник, Шӯрои низомии Нигерия имрӯз панҷшанбе дар ин баёния таъкид кард, ки 400 низомии фаронсавӣ ин ҳафта аз пойгоҳи низомии Зами Улам дар шимоли Ниами, пойтахти Нигерия хориҷ мешаванд.
Шӯрои низомии Нигерия низ ҳафтаи гузашта эълом кард  ҷадвали хурӯҷи неруҳои фаронсавӣ аз Нигерия бояд тибқи ончӣ ки бар он тавофуқ мешавад, анҷом гирад.
Эмануэл Макрон-раиси ҷумҳурии Фаронса пештар гуфт:Неруҳои фаронсавӣ то поёни соли 2023 аз Нигерия хориҷ хоҳанд шуд .
Дар паии фишори Шӯрои низомии Нигерия барои хурӯҷи неруҳои дипломатӣ ва низомии Фаронса аз хоки Нигерия, Эмануэл Макрон маҷбур ба бозгардондани Силоян Ите, сафири Фаронса дар Нигерия ба Порис шуд .
Равобити байни Нигерия ва Фаронса аз замоне ки Порис ҳукумати низомии Нигерияро номашрӯъ тавсиф кард, бадтар шуд ва ин мавзӯъ эҳсосоти зиддифаронсавиро миёни нигерияиҳо барангехт.