Барпоии шаби шеъри форсӣ дар маркази расонаии БРИКС+ дар Маскав
Порс тудей - Шаби шеъри форсӣ дар маркази расонаии БРИКС+ дар Маскав баргузор шуд.
Маросими шаби шеъри форсӣ дар маркази расонаии БРИКС+ дар Маскав бо намоиши филми кӯтоҳ дар бораи Эрону суханронии омӯзишӣ дар заминаи адабиёту мусиқии эронӣ баргузор шуд.
Ба гузориши Порс тудей ба нақл аз шабакаи байналмилалии телевизионии БРИКС (TV BRICS), ширкаткунандагон дар ин ойин бо мироси адабӣ ва мусиқии Эрон ошно шуданд.
Дар ин шаби шеър, бархе осори шоирони барҷастаи эронӣ, аз ҷумла Саъдӣ хонда шуд.
Масъуд Аҳмдванд, ройзани фарҳангии Ҷумҳурии Исломии Эрон дар Русия дар суханоне дар ин маросим, бар нақши густариши фаъолиятҳои башардӯстона дар тақвияти ҳамкории ду ҷониба таъкид кард.
Вай бо баёни инки Русия ва Эрони муддатҳост, ки равобити худро дар қолаби БРИКС тавсеа додаанд, афзуд, баргузории рӯйдодҳое монанди шаби шеъри форсӣ ба шинохти беҳтари мардуми ду кишвар аз якдигар кумак мекунад.
Мария Ган, раиси Маркази забони форсии ройзании фарҳангии Эрон ва устоди забону адабиёти форсӣ дар Донишгоҳи давлатии забонҳои хориҷии Маскав низ дар ин маросим ба талошҳои сӯрат гирифта барои тарвиҷи фарҳанги эронӣ дар хориҷ аз кишвар ишора кард.
Вай изҳор дошт, ошноӣ бо фарҳанги кишвари ҳамсоя ба мо имкон медиҳад ҳатто бидуни донистани забон ва бидуни доштани дониши амиқ дар мавриди он кишвар, равобити пойдор барқарор кунем.
Александр Борман, раиси бахши ҳамкорӣ бо кишварҳои ҷануби Осиё ва Ғарби Осиёи шабакаи телевизиюнии БРИКС низ дар ин ойин ба нақши ин шабакаи расонаӣ дар тақвияти равобити Русия ва Эрон пардохт.
Вақй гуфт, баргузории шаби шеъри форсӣ дар маркази расонаии БРИКС+ дар Маскав, як ҳалқаи ҷадид дар занҷираи ибтикороти мо барои тавсеаи ҳамкориҳои Русия ва Эрон аст.
Борман афзуд, шабакаи телевизионии БРИКС аз тариқи пахши телевизионии филмҳои мустанади эронӣ, интишори ахбори марбут ба ҷашнвораҳо ва намоишгоҳҳои фарҳангии Эрону созмондиҳии табодули муҳтаво, миёни расонаҳои ду кишвар ба фаъолиятҳои байналмилалӣ дар ростои равобити Русия ва Эрон кумак мекунад.
