Аврупо чӣ гуна ба ҷанги таъруфаии Трамп посух медиҳад?

Порс-Тудей. “Файнешнл Таймс” гузориш дод: Иттиҳоди Аврупо дар вокуниш ба таҳдидҳои таъруфаии Доналд Трамп дар бораи Гренландия дар ҳоли баррасии эъмоли таъруфаҳои сангин ё маҳдуд кардани фаъолияти ширкатҳои амрикоӣ дар бозори Аврупо аст.

Ба гузориши “Порс-Тудей”, “Файнешнл Таймс” навишт: Аъзои Иттиҳоди Аврупо дар вокуниш ба таҳдидҳои Трамп алайҳи муттаҳидони аврупоии Иёлоти Муттаҳида дар Созмони Паймони Атлантикаи Шимолӣ (НАТО), ки бо талошҳои ӯ барои тасоҳуби ҷазираи Гренландия мухолиф ҳастанд, дар ҳоли баррасии эъмоли таъруфаҳое ба арзиши 93 миллиард евро бар Амрико ё маҳдуд кардани фаъолияти ширкатҳои амрикоӣ дар бозори ин иттиҳодия ҳастанд.

Бар асоси ин гузориш, феҳристи ин таъруфаҳо соли гузашта таҳия шуда буд, аммо Иттиҳоди Аврупо пас аз дастёбӣ ба як тавофуқи тиҷорӣ бо Иёлоти Муттаҳида, эъмоли онҳоро то шашуми феврали соли ҷории мелодӣ (17 баҳман) ба таъвиқ андохт то аз бурузи як ҷанги тиҷории тамомайёр миёни Вашингтон ва Брюссел ҷилавгирӣ шавад.

“Файнешнл Таймс” меафзояд: Эъмоли маҳдудият бар фаъолияти ширкатҳои амрикоӣ дар кишварҳои узви Иттиҳоди Аврупои гузинаи дигаре аст, ки аврупоиҳо қасд доранд барои вокуниш ба таҳдидоти таъруфаии Трамп аз он истифода кунанд.

Дар идомаи гузориш омадааст: Аъзои Иттиҳоди Аврупо умедворанд таҳдидҳои таъруфаии талофиҷӯёнаи онҳо бар Амрико, фишори дуҳизбӣ (ҷумҳурихоҳу демократ) дар Иёлоти Муттаҳида алайҳи иқдомоти Трампро афзоиш диҳад ва ӯро маҷбур ба ақибнишинӣ кунад.

Ин гузориш ҳамчунин ба нақл аз як мақоми аврупоӣ, ки хост номаш фош нашавад, менависад: Вазъияте ки Трамп бо исрор бар илҳоқи Гренландия ба Амрико эҷод кардааст, дигар ба Иттиҳоди Аврупо иҷозаи созиш намедиҳад ва кишварҳои аврупоӣ наметавонанд ин ҷазираро ба Иёлоти Муттаҳида вогузор кунанд.

Доналд Трамп, раисиҷумҳури Амрико ахиран эълом кардааст, ки аз аввали феврал (12 баҳман) таъруфаи 10 дарсадӣ бар кишварҳои мухолифи илҳоқи Гренландия ба Иёлоти Муттаҳида ҷорӣ хоҳад шуд. Трамп гуфтааст, ин таъруфаҳо аз аввали июн (11 хурдоди 1405) ба 25 дарсад афзоиш хоҳад ёфт.

Дания, Норвегия, Шветсия, Финландия, Ҳоланд, Фаронса, Олмон ва Англия кишварҳое ҳастанд, ки машмули ин таъруфа мешаванд. Эммануэл Макрон, раисиҷумҳури Фаронса низ эълом кардааст, таъруфаҳои Амрико алайҳи муттаҳидони аврупоӣ бар сари масъалаи Гренландия ғайриқобили қабул аст.

Вашингтон эълом кардааст то замоне ки Амрико Гренландияро харидорӣ кунад, ин таъруфаҳо ба қуввати худ боқӣ хоҳад буд. Дар ҳамин ҳол, ҳазорон нафар аз мардуми Дания дар шаҳри Копенҳаген алайҳи иддаоҳо ва таҳдидҳои Трамп барои тасарруфи Гренландия таҷаммуъ карданд ва бо дар даст доштани банерҳои зиддиамрикоӣ, аз мақомоти ин кишвар хостанд, ки даст аз Гренландия бикашанд.