Марзбонони Қазоқистон ба сӯи моҳигирони озарбойҷонӣ оташ гушуданд
Декабр 30, 2018 17:27 Asia/Dushanbe
Расонаҳои ҷумҳурии Озарбойҷон аз тирандозии нерӯҳои марзбонии Қазоқистон дар дарёи Хазар ба сӯи моҳигирони озарбойҷонӣ ва маҷрӯҳ кардани яке аз онҳо хабар доданд.
Пойгоҳи хабарии Репорт ба нақл аз нерӯи марзбонии Қазоқистон гузориш дод, ки маъмурони марзии ин кишвар барои мутаваққиф кардани як фарванд каштии моҳигирӣ, ки вориди обҳои Қазоқистон дар дарёи Хазар шуда буд, ногузир ба тирандозӣ шуданд.
Яке аз чаҳор сарнишини ин каштӣ, ки дар ҳоли сайди ғайримуҷоз буд, дар асари тирандозӣ маҷрӯҳ шуд.
Марзбонони Қазоқистон дар ҷарёни бозрасӣ аз каштии тавқифшуда 40 моҳии ховиёр, васоили вижаи сайди қочоқи моҳӣ, васоили иртибототи моҳвораӣ ва имконоти новбарӣ кашф карданд.