Путин мақомоти Украинаро ба суиистифода аз мазҳаб муттаҳам кард
Феврал 02, 2019 09:46 Asia/Dushanbe
Раисҷумҳури Русия бо интиқод аз эҷоди калисои ҷадиди ортодокс дар Украина эълом кард, ки мақомоти Киев аз мазҳаб суиистифода мекунанд.
Ба гузориши ИРНА, Владимир Путин, раисҷумҳури Русия бо ишора ба вазъияти душвори пайравони калисои ортодокс дар Украина гуфт, судҷӯӣ ва суиистифода аз масоили мазҳабӣ сабаби шиддат ёфтани хусумат дар Украина шудааст.
Путин афзуд, давлати Русия ба истиқлоли калисо эҳтиром мегузорад, бавижа дар Украина, ки барои мардуми он эҳтироми зиёде қоил аст.
Калисои ортодокси мустақил аз Русия дар Украина, авохири соли 2018-и мелодӣ таъсис шуд.
Петро Порошенко, раисҷумҳури Украина низ аз иқдоми калисои ортодокси ин кишвар барои истиқлол аз калисои ортодокси Русия истиқбол кард.
