Ҳушдори СММ дар бораи гармои замин
Созмони ҷаҳонии ҳавошиносии Созмони Милал рӯзи душанбе эълом кард, гармоиши замин ба далели ғилзати газҳои гулхонаӣ ба рекорди болое расидааст.
Ба гузориши рӯзномаи “Гардиан”, Созмони ҷаҳонии ҳавошиносии Созмони Милал эълом кард, ҳаҷми газҳои гулхонаӣ дар солҳои ахир нисбат ба як даҳаи гузашта бештар будааст ва оморҳо нишон медиҳад, ки иқдомоти изтирорӣ барои наҷоти обуҳаво то кунун ҳеҷ таассуре надоштааст.
Петтери Таалас, дабири кулли Созмони ҷаҳонии ҳавошиносии Созмони Милал гуфт, бо вуҷуди тамоми тааҳҳудоти марбут ба тавофуқномаи Париж дар мавриди тағйири авзоъ ҳеҷ нишонае аз кунд шудани раванди гармии замин вуҷуд надорад.
Гармоиши ҷаҳонӣ ё гарм шудани замин мунҷар ба афзоиши миёнгини дамои замин ва сатҳи уқёнусҳо шуда ва бо тағйири обуҳавоии замин дар ниҳоят боиси хушксолии шадид, гармои сӯзон ва тӯфонҳои ваҳшатнок мешавад. Агарчи тағйироти иқлимӣ яке аз муҳимтарин нигарониҳои кунунӣ дар ҷаҳон аст, аммо Доналд Трамп, раисҷумҳури Амрико бо хориҷ кардани ин кишвар аз тавофуқи обуҳавоии Париж нишон дод, ба муқобила бо тағйироти иқлимӣ эътиқоде надорад. Трамп ҳамчунин барои афзоиши тавлиди сӯхтҳои фусилӣ, аз ҷумла нафт қавонин ва муқаррароти вазъшуда дар даврони Барак Обама, раисҷумҳури пешини Амрико барои коҳиши интишори газҳои гулхонаиро лағв кард.
