Марги беш аз як миллиард ҳайвон дар оташсӯзии бесобиқаи Австралия

Коршиносон эълом кардаанд, ки оташсӯзии бесобиқа дар Австралия то кунун ба марги беш аз як миллиард ҳайвон мунҷар шудааст.

Ба нақл аз Форс, коршиносон муътақиданд, ки дар оташсӯзии бесобиқа дар Австралия беш аз як миллиард ҳайвон кушта шудаанд.

Крисс Дикман устоди Донишгоҳи Сидней дар риштаи экологӣ эълом кард, ки танҳо дар иёлати Нию Савс Велз (New South Wales)-и Австралия беш аз 800 миллион ҳавйвон кушта шудаанд.

Вай афзуд, ин бадон маъно аст, ки дар тамоми Австралия мизони ҳайвоноте, ки қурбонии ин оташсӯзӣ шудаанд аз марзи як миллиард убур кардааст.

Ҳайвонҳои қурбонии ин оташсӯзӣ ё ба таври мустақим дар оташсӯзӣ кушта шуда ё ба далели гуруснагӣ, камобӣ ё аз байн рафтани зистгоҳашон аз байн рафтаанд.

Ин баровард шомили пистондорон, парандагон ва хазандагон мешавад ва шомили қурбоғаҳо, ҳашараҳо ва дигар бемуҳрагон нест.

Оташсӯзиҳое, ки аз чанд моҳ пеш дар Австралия оғоз шуд, то кунун  наздик ба 5 миллион гегтар аз ҷангалҳо ва мазраъаҳои ин кишварро сӯзонда ва беш аз 950 хонаро вайрон кардааст.

Гуфта мешавад камаш 17 нафар то кунун дар саросари Автралия дар натиҷаи ин оташсӯзиҳо ҷони худашонро аз даст додаанд.