Нопадид шудани ҳазорон ҷангафзор ва худрави низомии Афғонистон

Расонаи таҳқиқотии Пайки Афғонистон гузориш дод, беш аз 12 ҳазор ҷангафзори сабук ва 1100 худрави низомӣ дар камтар аз ду даҳсолаи гузашта дар вилояти Ҳилманд ҷануби Афғонистон нопадид шудааст.

Ба нақл аз хабаргузории Тасним, фармондеҳии полиси Ҳилманд эътироф кард, ҳудуди 80 дарсади ин таҷҳизоти низомӣ дар солҳои гузашта ба дасти мухолифони мусаллаҳи давлат афтодааст, аммо аз сарнавишти 20 дарсад аз ин таҷҳизот иттилое дар даст нест.

Ба гузориши маркази таҳқиқотии Пайк, беш аз сад низомӣ аз ҷумла 12 фармондеҳ дар робита бо нопадид шудани ин таҷҳизот ба ниҳодҳои қазоӣ муаррифӣ шудаанд.