Диктатори Миср даргузашт

Хабарҳои мунташиршуда аз даргузашти Ҳуснӣ Муборак, раисҷумҳури барканоршудаи Миср ҳикоят доранд.

Телевизиони давлатии Миср рӯзи сешанбе дар хабари фаврие марги Ҳуснӣ Муборак, диктатори Мисрро дар синни 91-солагӣ таъйид кард.

Ахбор дар хусуси марги Муборак дар ҳоле мунташир мешавад, ки хонаводаи вай то кунун сукут карда ва ҳеҷ гуна баёнияе дар таъйид ё такзиби ин хабар мунташир накардаанд. Ҳатто Аъло Муборак, фарзанди аршади Ҳуснӣ Муборак, ки хабарҳои марбут ба вазъи ҷисмонии падарашро дар сафҳаи расмии худ дар “Твиттер” мунташир мекунад, ба ин мавзӯъ вокунише нишон надодааст.

Аъло Муборак ду рӯз пеш дар “Твиттер” навишт, ки падараш дар бахши муроқибатҳои вижаи яке аз бемористонҳо бистарӣ шудааст. Вакили хонаводаи Муборак низ рӯзи гузашта гуфта буд, вазъияти ҷисмонии Муборак пас аз анҷоми як амали ҷарроҳии дохилӣ вахим шуда ва вай акнун дар бахши муроқибатҳои вижа бистарӣ шудааст.

Мардуми Миср 25-уми январи соли 2011 режими диктатории сисолаи Ҳуснӣ Муборакро сарнагун карданд.