Рекорди ҷадиди Русия дар бештарин ибтилои рӯзона ба корона
Бо шиносоии 10 ҳазору 888 фарди мубтало дар шабонарӯзи гузашта дар Русия шумори кулли мубталоён дар ин кишвар ба як миллиону 225 ҳазору 889 нафар афзоиш ёфт.
Ба гузориши радиои тоҷикии Садоии Хуросон, ситоди амалиётии муқобила бо вируси корона дар Русия эълом кард : ин бештарини шумори мубталоёни рӯзона дар 5 моҳи гузашта ва пас аз авҷи шуюъи корона дар ин кишвар аст .
Дар 24 соати гузашта ҳамчунин 117 нафар бар асари аворизи корона ҷон бохтанд то шумори фавтшудагони ин беморӣ ба 21 ҳазору 475 нафар бирасад.
Дар ҳамин ҳол мақомоти беҳдоштии Русия ҳушдор додаанд, ки дар сурати идомаи шароити кунунӣ, ба зудӣ маҳдудиятҳои қаблӣ ба сурати пиликонӣ бозмегардад .
Тибқи охирин оморҳои ироашуда то кунун 35 миллиону 417 ҳазору 872 нафар дар саросари ҷаҳон ба корона мубтало шудаанд .
