Дастёбии бостоншиносон ба наққошии инсонҳои 13 ҳазор соли пеш

Бостон‌шиносон наққошиҳои сахраҳо ё тахтасангҳое ба тӯли 10 километр дар ҷангалҳои боронии Амазон (Амазонка) кашф кардаанд, ки пешинаи онҳо ба асри яхбандон ва ҳудуди 11 ҳазору 800 то 12 ҳазору 600 соли пеш барме‌гардад.

Ба гузориши пойгоҳи хабарии Сан, тиме аз бостоншиносони англис ва колумбияӣ даҳҳо ҳазор наққошии тахтасанге марбут ба асри яхбандонро дар ҷангалҳои боронии Амазонкаи Колумбия кашф карданд.

Дар ин наққошиҳо ҳайвоноти ғӯлпайкаре монанди мӯрчахорҳои бузург, тимсоҳ ва як гуна аз филҳои моқабли торих ба номи Мастодон ба тасвир кашида шудааст, ки акнун мунқариз шудаанд.

Офарандагони ин наққошиҳо, ки аз як рангдонаи табиии сурх дар рангомезиҳои худ истифода кардаанд, мумкин аст аввалин инсонҳое бошанд, ки ба Амазонка расидаанд.

Ба гуфтаи бостоншиносон, Амазонка дар он даврон танҳо минтақаи гарми рӯи кураи Замин буд.

Бештар бихонед:

• Вижагии хоси пули Шопурӣ: Ёдгори Эрони бостон
• Интишори манобеи илмӣ дар бораи 5500 солагии Саразми бостон
• Кашфи ҳудуди 60 тобути 2500 сола дар Миср