Pars Today

Вазорати умури хориҷаи Афғонистон эълом кард, ки видеоҳову тасовири мунташиршудаи марбут ба иддаои озору азияти муҳоҷирони афғон дар Эрон ҳақиқат надорад.

Ба гузориши ИРНА, Вазорати хориҷаи Афғонистон рӯзи душанбе бо судури иттилоияе таъкид кард, ки дар тамоси Сафорати Афғонистон дар Теҳрон, бо мақомоти эронӣ ва бо афроди бонуфӯзи муҳоҷирони афғон дар шаҳрҳои мухталифи Эрон дар бораи бархе видеоҳои мунташиршуда мушаххас шуд, ки ин тасовир ҳақиқӣ нест.

Вазорати хориҷаи Афғонистон дар идома аз қавли чанд тан аз намояндагони муҳоҷирони муқими Эрон ва фаъолони арсаи ҳимоят аз муҳоҷирони афғон навишт: Ин афрод аз вуқӯи чунин бархурдҳое изҳори беитилоӣ кардаанд.

• Дар идомаи ин гузориш изофа шудааст, ки теъдоде аз шаҳрвандони афғон бо гуруҳҳои қочоқӣ ба таври ғайриқонунӣ ба Эрон оварда мешаванд, ки сабаби ҳаводиси талхи трафикӣ, гаравгонгирӣ ва гоҳе аз даст рафтани ҷонашон мешавад.

Вазорати хориҷаи Афғонистон гуфтааст, ки нерӯҳои интизомӣ ва полиси Ҷумҳурии исломии Эрон ҳам бо судури иттилоияи расмӣ, видеоҳои мунташиршударо марбут ба Эрон надонистанд.

Ба тозагӣ дар фазои маҷозӣ тасовир ва видеоҳое мунташир шудааст, ки дар онҳо иддао мешавад, ки муҳоҷирони афғон дар Эрон мавриди озори афроди ношинос қарор гирифтаанд.

Бештар бихонед:

• Эрон пештози ироаи бимаи дармонӣ ба оворагони афғон
• Давлати Афғонистон барои муҳоҷирони афғон дар Эрон шиноснома содир мекунад
• Зариф: Эрон аз раванди сулҳ ба раҳбарӣ ва мудирияти афғонҳо ҳимоят мекунад