Куба номи ваксинаи зиддикоронаии худро Абдулло гузошт!

Куба ба тозагӣ аз вуруди дуввумин ваксинаи коронаии тавлиди ин кишвар ба марҳалаи ниҳоии мутолеоти болинӣ хабар дода, ки номи ин ваксина Абдулло аст.

Қарор аст, ҳудуди 48 ҳазор довталаби 19 то 80 сол дар мутолеи болинии ин ваксина ширкат кунанд ва нахустин натоиҷи он дар август мунташир хоҳад шуд.

Номи Абдулло рӯи ин ваксина тааҷҷуби бисёреро барангехта, ки чаро кишваре коммунистӣ дар Амрикои Лотин барои ваксинаи тавлидии худ номи арабӣ-исломии Абдуллоро баргузидааст?!

Куба ҳамакнун дар ҳоли тавлиди 5 ваксинаи корона аст ва номи ин ваксинаҳоро бар асоси шахсиятҳои инқилобӣ ва рӯҳиёти меҳанпарастона интихоб кардааст.

Се ваксинаи ин кишвар Субрана 1, Субрана 2 ва Субрана Плюс ном дорад, ки дар забони испанияӣ ба маънои муқтадир аст.

Ҳамчунин номи ваксинаи Мембиса аз номи яке аз қаҳрамонҳои ҷангҳои истиқлоли Куба гирифта шудааст.

Абдулло низ номи як намоишномаи ҳамосии навиштаи Хузе Мартин, қаҳрамони миллии ин кишвар аст.

Дар ин намоишнома Абдулло, ҷангҷуи арабест, ки дар кишваре хаёлӣ ба номи Нубиа бо ишғолгарони хориҷӣ набард мекунад.

Куба, ки таҷрубаи зиёде дар сохту содироти анвои ваксинаҳо дорад, яке аз кишварҳоест, ки ҳануз ваксинаи коронаро оғоз накардааст ва қасд дорад, мардумашро бо ваксинаҳои коронаии сохти худ ваксина кунад.

Бештар бихонед:

• Муваффақияти нахустин марҳилаи инсонии ваксинаи коронаии муштараки Эрон ва Куба

• Куба; Пешрав дар густариши ваксинасия дар Амрикои лотин

• Суръати рушди ваксинаи дохилӣ дар Эрон барои муқобила бо вируси корона