Инфантино хостори дурии масоили сиёсӣ аз Ҷоми Ҷаҳонӣ шуд
-
Раиси Фифа парвандаи овозаи ҳазфи Эрон аз Ҷоми ҷаҳониро баст
Раиси Федератсияи Ҷаҳонии Футбол (Фифа) хостори дурии расонаҳову миллатҳо аз ҷави расонаии сиёсӣ қабли Ҷоми Ҷаҳонӣ шуд.
Пружаи овозапарокании ҳазфи эҳтимолии тими миллии футболи Эрон аз моҳи қабл тавассути расонаҳои Англия ва форсизабони зидди Эрон калид хӯрд.
Ин овозаҳо ба далоили беасоси ҳуқуқи башар оғоз шуд ва дар ҳафтаҳои гузашта пойи Украина ҳам ба ин овозаҳо боз шуд то бо иддаои воҳии кумаки таслеҳотии Эрон ба Русия хоҳони ҳазфи тими миллии Эрон аз Ҷоми Ҷаҳонии 2022 –и Қатар шавад.
Бо вуҷуди шойеапароканиҳои зиёди расонаҳои аврупоӣ алайҳи тими миллии Эрон, аммо Фифа ҳатто ин дархостро баррасӣ накарду ҳафтаи гузашта бо интишори гузорише аз тими миллии Эрон, ҳузури “юзҳо”-ро дар Ҷоми ҷаҳонӣ таъйид кард.
Ба гузориши хабаргузории “Форс”, Ҷанни Инфантино, раиси Фифа дар ҷадидтарин мусоҳибааш фаслулхитобе барои тамоми шойеот баён кард ва гуфт: Чанд рӯз монда ба оғози мусобиқоти Ҷоми Ҷаҳонии 2022 –и Қатар ҳамаро даъват мекунам то фақат ба футбол тамаркуз кунанд.
Вай афзуд: Хоҳиш мекунам, ки иҷоза надиҳед футбол ба самти маъракаи сиёсӣ ва идеологӣ биравад ва аз вуруди масоили сиёсӣ ба Ҷоми Ҷаҳонӣ худдорӣ кунед.
Ҳарфҳои қотеъ ва таъйинкунандаи раиси Фифа парвандаи шойеаи ҳазфи Эрон аз Ҷоми ҷаҳониро барои ҳамеша баст.
