Eýran we Pakistan Owganystanda terrorçy DAEŞ toparynyň bardygyna alada bildirýärler
Eýranyň Daşary işler ministriniň syýasy meseleler boýunça orunbasary we Pakistanyň Owganystan boýunça ýörite wekili Owganystanda terrorçy DAEŞ toparynyň bardygyna alada bildirdiler.
IRNA-nyň habaryna görä, Eýranyň Daşary işler ministriniň syýasy orunbasary Seýed Abbas Aragçi we Pakistanyň Owganystan boýunça ýörite wekili Sadeg Han ýekşenbe güni Tähranda duşuşdy we bu duşuşykda olar Owganystanda terrorçy DAEŞ toparynyň bolmagy we sebitdäki parahatçylyga we howpsuzlyga abanýan howp barada alada bildirdiler.
Eýranyň Daşary işler ministriniň orunbasary we Pakistanyň Owganystan boýunça ýörite wekili bu ýurduň özgerişleri, hususan-da ýurtdaky parahatçylyk prosesi barada pikir alyşdylar.
Eýranyň Daşary işler ministriniň syýasy orunbasary şeýle hem Pakistanyň Owganystan bilen baglanyşykly meselelerde ýakyn hyzmatdaşlykda ýörite wekiliniň pozisiýasyny garşy alyp Eýran Yslam Respublikasynyň bu ugurda hyzmatdaşlyk etmäge taýýardygyny mälim etdi.
Bu duşuşykda Sadeg Han, Eýranyň we Pakistanyň Owganystandaky wakalardan täsir alýandygyna yşarat edip, Owganystanda dowamly parahatçylygy ýola goýmakda iki ýurduň arasynda has köp hyzmatdaşlyga çagyrdy.
Aragçi we Sadeg Han şeýle-de, Owganystandaky parahatçylyk wakalary boýunça geňeşmeleri dowam etdirmek barada ylalaşdylar.
