Zarif: Eýran Özbegistan üçin dünýä bazarlaryna tranzit ýoly bolup biler

Eýranyň Daşary işler ministri Eýran Yslam Respublikasynyň Özbegistan üçin dünýä bazarlaryna tranzit ýoluny hödürläp biljekdigini aýtdy.

IRNA-nyň habaryna görä, Eýranyň Daşary işler ministri Muhammet Jawad Zarif duşenbe güni Özbegiýanyň Daşary işler ministri Abdulaziz Kamelow bilen Daşkende duşuşandan soň beren gürrüňlerinde Özbegiýanyň Daşary işler ministri bilen bolan duşuşygymyzda ykdysady, syýasy, medeni gatnaşyklar we Eýran bilen Özbegistanyň arasyndaky gatnaşyklary berkitmek, esasanam Owganystandaky parahatçylyk bilen baglanyşykly sebitleýin hyzmatdaşlygy ara alyp maslahatlaşdyk diýdi.

Zarif iki ýurduň arasyndaky hyzmatdaşlygyň giňelmegine umyt bildirmek bilen Eýran Yslam Respublikasy Özbegistan üçin dünýä bazarlaryna we açyk suwlara tranzit ýol berip biler diýdi.

Şu gün Eýranyň Daşary işler ministri Özbegistanyň, Gyrgyzystanyň, Gazagystanyň we Türkmenistanyň resmileri bilen duşuşmak üçin Merkezi Aziýa gitdi.